上水廣場「雲朵‧夢幻遊」 雲朵夏日消暑美食 + 工作坊

夏天逛商場歎冷氣真係透心涼，黛安聽聞，上水廣場即日起至本月底將呈獻「雲朵‧夢幻遊」，喺5樓晴空花園打造一個放空及超治癒嘅寫意空間，仲會同人氣打卡店「Merci Cafe by Déesses Bakery」合作推出以雲朵為主題嘅夏日美食。

進入商場5樓晴空花園，猶如走進雲朵天堂嘅秘境，逢周末指定時間，更會加入煙霧效果，每次去都會有唔同驚喜。而Merci Cafe by Déesses Bakery亦乘勢推出期間限定消暑特飲「雲朵梳打」及「雲海牛角酥」，入口啖啖令你感覺如置身雲霧中。商場更開設「Cloud Art雲朵主題工作坊」，The Point會員消費滿$1,000，即可參加「雲朵肌理畫夜燈工作坊」或「雲朵蠟燭工作坊」，仲可將製成品帶返屋企；會員可同時參加「雲朵Fun Fun賞」，集齊指定印章換領獎賞。