絲打圍佬丨黃宗澤爆擁8架名車暫最貴300萬 單親成長唔渴望愛情 爆吳卓羲有拖拍

演員黃宗澤（Bosco）接受楊詩敏（蝦頭）和連詩雅（Shiga）主持的《絲打圍佬》訪問，Bosco直言自己在朋友心目中是非常「低能」的大細路，感覺是三歲小朋友長不大的思想，雖然Shiga認愛上陳家樂之前一直好鍾意Bosco，但Bosco揚言最愛是蝦頭。當被追問他的「玩具」系列時，Bosco坦言：「小學最鍾意玩鐵皮車，細個唔鍾意同鄰居玩，細路仔玩捉迷藏我唔會玩，去遊樂場都係自己去，所以留喺屋企玩車仔最穩陣。（唔鍾意群體活動？）係呀，唔鍾意多人運動，直至中學識到而家班好兄弟。」

同場加映：Laugh Vacation丨193對住舞台劇前輩變鵪鶉 用另一面取悅觀眾：同平時笑點唔同

{{hket:ul-video id="8637"}}{{/hket:ul-video}}

星光背後丨黃宗澤被逼做歌手有瑕疵好正常 認曾經暗交女朋友但見過鬼怕黑【下一頁】

{{hket:inline-image name="358147957_676612204485881_6252146306693228698_n.jpg"}}{{/hket:inline-image}}

{{hket:inline-image name="b1.jpg"}}{{/hket:inline-image}}

Bosco坦言愛車是自細養成，「我一出世父母已經離咗婚，細個阿爸每個星期六或日就帶我出去食飯，經過玩具舖仲唔報仇呀？多數買架車或者玩具。」他表示不太愛超級跑車，反而特別鍾情古董車，如果朋友上車，都會叫他們非常小心，被追問有幾多架車？Bosco坦言現時擁有八架車，「有幾架古董車，亦都有現代車，但之前用咗十年唔捨得唔要，（最貴呢？）最貴唔係最鍾意嗰架，最貴大約300萬啦，但有一架係唔知佢而家升到幾多錢，因為不斷咁升緊。」

{{hket:inline-image name="b2.jpg"}}{{/hket:inline-image}}

{{hket:inline-image name="b4.jpg"}}{{/hket:inline-image}}

{{hket:inline-image name="b5.jpg"}}{{/hket:inline-image}}

廉政狙擊丨黃宗澤直認主動加肉搏床上戲 蔡思貝胸壓攬到實 疑似穿崩相流出【下一頁】

提到擇偶條件，Bosco笑言「過到阿媽嗰關先講啦，當然開朗最重要，獨立囉我頂唔住太黐身，唔可以好嗲！識唔識煮嘢唔緊要，因為我識，同埋唔好介意我個順位，屋企人唔使講啦，朋友我係擺得先過佢。」提到早前吳卓羲在節目中大爆Bosco有另一半，他立即澄清，「佢講笑啫嗰次，（唔係喎佢答得好快！）佢講佢自己啫，哈哈，互爆！」

{{hket:inline-image name="b3.jpg"}}{{/hket:inline-image}}

Bosco表示沒有特別憧憬結婚生仔，「之前朋友介紹買乜鬼年金，我話買乜鬼，死之前使鬼晒啲錢咪得囉！可能係單親家庭影響，未出世就已經單親，小學先見番我老竇。媽咪去打工，有時去阿姨住、舅母住，所以冇家庭嘅感覺，我覺得咁樣幾開心，我又習慣一個人，阿媽出去打工，放低錢畀我自己喺屋企，乜都自己一個。」對於愛情的渴望，他說：「有就有冇就冇，冇得夾硬嚟，有時夜闌人靜都會渴望吓嘅，曾經叫朋友介紹啲女仔嚟，但一係唔啱，一係佢哋都冇識到新朋友。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組