激嬲媽媽系列丨黃宗澤晚晚蒲天光激到阿媽玩冷戰 用一招擺平

深信不少人小時候都曾激嬲媽媽，通常離不開考試成績差、講大話之類。黃宗澤（Bosco）竟然頑皮到令媽嗎要跟他冷戰，而外表乖乖女的吳千語和王灝兒（JW）都曾經叛逆過，有過一秒激嬲媽媽經驗，最後點收科呢？

同場加映：中年好聲音丨吳大強Chill住管教任四個仔發展 71歲追夢感幸福：畀大家睇到衝勁

{{hket:ul-video id="7808"}}{{/hket:ul-video}}

{{hket:inline-image name="B1.jpg"}}{{/hket:inline-image}}

黃宗澤自認頑皮，讀書時更經常激嬲媽媽，他笑言︰「成日天光都唔返屋企，激到阿媽死死下，嗰個年代去蒲，一係去下酒吧，一係去disco咁囉。」但黃媽媽甚少對他體罰，反而對他不瞅不睬，最高紀錄試過冷戰四日。Bosco最後要出「撒手鐧」才獲原諒，「我細個做過大牌檔，跟過師傅學煮餸，所以練得一手好廚藝。嗰次𠱁番媽咪，我煮咗九大簋畀佢食先無事咋。」

{{hket:inline-image name="601d2b8d-32be-4ccb-8ee6-8aa86ec7001f.jpg"}}{{/hket:inline-image}}

不過Bosco笑謂長大後便世界輪流轉，現在經常被黃母激親，「佢成日偷偷哋揸我架車，但駕駛技術麻麻，成日刮花、撞凹架車，然後靜雞雞拎架車去整，點知車房啲人同我好熟，所以咪穿煲囉，當然最緊要人無事啦，不過整車啲錢咪又係我畀！」

{{hket:inline-image name="27d9d281-29de-49fb-9315-d22da104c313.jpg"}}{{/hket:inline-image}}

{{hket:inline-image name="ng.jpg"}}{{/hket:inline-image}}

吳千語自爆都有叛逆期，讀初中時曾因為釘耳窿激嬲媽媽。千語表示︰「我媽咪不嬲都好反對我去釘耳窿或者紋身，因為佢覺得唔係幾好，但係我又有啲反叛，我見人哋喺耳骨位置戴耳環，覺得好型好靚，有一日我瞞住媽咪去咗整，為咗唔畀佢知，我成日搵頭髮遮住隻耳仔，起初我以為可以瞞天過海，點知都被發現鬧到我黐綫。」千語回想當時覺得只是小事，沒料到媽媽最不滿她自把自為，沒有跟她商量，長大後才體會媽媽的心情。

{{hket:inline-image name="234192f7-3c35-45cc-9df6-1480de967286.jpg"}}{{/hket:inline-image}}

{{hket:inline-image name="S1.jpg"}}{{/hket:inline-image}}

外表乖乖女的王灝兒（JW）都曾經激嬲媽媽，她自爆學生時期，曾半夜偷走出街，「試過有一晚半夜，啲朋友叫我去party，於是我偷偷走出去，無幾耐被媽媽發現咗，即刻奪命追魂call，當然被佢鬧一餐，我都知其實佢係擔心我啫。」JW強調成長階段一直很守規矩，只是青春期偶然反叛，她坦言受過教訓後便學乖，沒有再重犯。

撰文：黃寶蓮