全民造星V丨香胤宅首次見粉絲引發小騷動 魏念恩因女友去世風波曾考慮退賽

ViuTV大型偶像育成節目《全民造星V》10強今日誕生，10位參賽者包括王鋒、魏念恩（Nathan）、詹仕偉（Snoopy）、黃泓祖（Taco)、香胤宅（Lyman）、陳鎮亨（亨仔）、田曜誠（Tsoul）、王希晉（希晉）、盧信宥 （Ash）及黃家灝（KC），與導師們今日到將軍澳出席《全民造星V 10強記者會》，眾參賽者在活動上施展混身解數積極拉票，當中以Lyman現場最多粉絲支持，不過Nathan和Taco演唱時相繼甩嘴，而Ash獻唱《小心地滑》時飆高音，展示實力唱功。至於總決賽將於7月16日晚舉行。

同場加映：有線一哥丨李尚正女友積極抗癌令人生轉念 身心健康最重要：唔打算離巢

{{hket:ul-video id="8578"}}{{/hket:ul-video}}

{{hket:inline-image name="IMG_0913.JPG"}}{{/hket:inline-image}}

{{hket:inline-image name="IMG_0910.JPG"}}{{/hket:inline-image}}

現年33歲來自美國的Lyman，首次在公開活動見粉絲，而現場他的支持者亦是多，當他與其他隊友走到台下粉絲區送上親筆簽名的造型卡時，即時引起小騷動，但秩序良好，而Lyman亦好識做，不停跟粉絲簽名及拍照留念。事後接受訪問，Lyman特別感謝專程到現場支持他的粉絲，他表示：「好多謝鍾意我嘅人，好感激佢哋，佢哋比到好多力量我，係一個推動力。」

{{hket:inline-image name="101.jpg"}}{{/hket:inline-image}}

{{hket:inline-image name="IMG_0868.JPG"}}{{/hket:inline-image}}

提到自己在Facebook群組「前夫關注組」中受歡迎程度排在頭五名，廣東話不太靈光的Lyman以為自己是冠軍，即感謝大家支持，但當身邊隊友講解釋給他知何謂「前夫」的時候，他即露出搞笑的質疑表情，亦不忘感謝支持他的人。問他如何學習中文？他表示：「我開頭跟Jay Fung（馮允謙）學中文，佢好有水平，教我用app翻譯成廣東話，好似對住個電話傾計咁，好有幫助，直到10強一齊去澳門拍攝，好多謝Tsoul教我好多中文同潮語。」

{{hket:inline-image name="IMG_0869.JPG"}}{{/hket:inline-image}}

至於Nathan的陳姓女友早前墮樓身亡，他事後發文悼念女友，但卻遭女方家人鬧爆他虛情假意，對此Nathan今日首次公開回應，問他女友件事可有影響心情？他稱：「多謝大家關心，心情好過之前，但私人嘢就未準備好同大家分享。（有冇諗過退賽？）有諗過，但唔單只係呢件事，參賽期間都有自我質疑嘅時候，唔想逃避佢，但選擇得參賽就係想自己嘅音樂畀人見到。（怕唔怕形象受損？）呢啲嘢無得顧慮嘅，無得顧慮太多人感受，做好自己，多謝大家支持。（女友家屬對你有啲意見？）呢個唔回應住喇，唔好意思。（拍片或喺網上出片澄清？）我覺得暫時唔使住，網上評論我自己有睇，唔好嘅評論先令我知道咩要進步。」

{{hket:inline-image name="IMG_0903.JPG"}}{{/hket:inline-image}}

採訪、攝影：楊安莉

撰文：娛樂組