《中年好聲音2》第三輪海選丨杜德智拒打鼓忘記除衫拉分 劉威煌姚安娜昔日歌手大雜燴

無綫歌唱真人騷《中年好聲音2》「第三輪海選面試」今日假電視城舉行，總經理曾志偉也現身支持一班參賽者。繼頭兩輪後，今次再有多位熟悉面孔亮相，包括杜德偉哥哥杜德智、前兒童節目主持姚安娜、《超級巨聲》五強劉威煌、前英皇歌手洪杰(扈佳榮)等，個個皆具知名度及實力，相信一班評審肥媽、伍仲衡、張佳添等非常頭痕。

同場加映：有線一哥丨李尚正女友積極抗癌令人生轉念 身心健康最重要：唔打算離巢

{{hket:ul-video id="8578"}}{{/hket:ul-video}}

{{hket:inline-image name="VCG111443750404.jpg"}}{{/hket:inline-image}}

杜德智rap住出場令三位評審甚為驚喜，他透露參賽主要原因要學習及開心，肥媽笑言他何以不以最擅長的打鼓面試，他卻大膽寸爆稱：「畀我入到圍就打鼓畀你睇！」杜德智更臨時轉歌，演繹《On A wonderful day like today》，令現場氣氛高漲。他唱畢後更稱：「我細佬仲叫我除衫，唔記得除衫。」張佳添則稱：「期待佢同吳大強一齊合唱。」

洪杰以真名扈佳榮參賽，演唱《你把我灌醉》，雖然身體不適兼演唱前大會播錯音樂，但影響未算太大，獲伍仲衡、肥媽讚唱得好。對於參賽原因，他說：「踏入四字頭，對屋企人有啲交代。」劉威煌演繹側田的《情歌》，表現較緊張兼甩嘴。他自言面對現場評審未能放鬆，可幸亦獲鼓勵。曾參與多齣無綫劇集的外籍男演員郭栢榮大跳大唱《我恨我痴心》，獲讚廣東話標準，肥媽更笑言：「慘喇，喬寶寶無得撈喇！」另外，姚安娜以中性打扮獻唱張國榮的《戀愛交叉》、曾於2000年贏得《全球華人新秀歌唱大賽》冠軍的梁浩賢、前o靚模 Naomi(馮鎵瀠)亦有參賽。

{{hket:inline-image name="Naomi.jpg"}}{{/hket:inline-image}}

{{hket:inline-image name="KWOK.jpg"}}{{/hket:inline-image}}

杜德智受訪時自言胞弟有看過其面試服飾：「佢叫我著得貼地啲，唔好登台咁，今日套衫佢睇過話OK，亦都話想嚟，不過佢咁忙我話唔好。」提到入圍信心，他搞笑稱：「無諗，揀依首歌都諗住唔入圍。」他自言寧揀自己喜歡的歌，也要盡量享受比賽過程。即將踏入40歲的洪杰指17年已經與英皇完約，現時是自由身歌手，亦有教唱歌：「我都有3個學生參加《中年好聲音2》，自己今日表現唔滿意，把聲好沙發揮唔好，早兩日食咗一粒車厘子，啲汁索咗入氣管。」他透露昨日曾考慮打開聲針，但診所關門因此只能狂吃喉糖。至於劉威煌則自責唱得「核突」，沒想過表現緊張：「以前我開live唱歌習慣睇歌詞，可能呢幾年倚賴咗，又咁多年無比賽，心情放鬆少少，今次首歌又唔算滾瓜爛熟，瀨嘢。」劉威煌自言無信心入圍。

{{hket:inline-image name="FAT.jpg"}}{{/hket:inline-image}}

另外，日前肥媽與黃家強為黃家駒遺作爆隔空罵戰，肥媽拿出家強早年受訪的報章報道證清白，提到是非是否已完結，她對此說：「完喇，仲唔完？人哋搵晒證據出嚟，我無講大話，唔好提。(家強無直接道歉？)唔使喇，都衰晒咯，最唔好係佢話自己無講過。」肥媽坦言不認識Beyond的前經理人(陳健添)：「佢打嚟問我知唔知件事(家駒作歌)，我話知，家強同我講嘅，我都唔識佢(陳健添)，又無錢，不過家強話無講過個度衰，咁多年前可能善忘，唔使道歉。(可有嬲？)有乜好嬲，嬲人有皺紋，我70歲唔想有皺紋！」另外，無綫總經理曾志偉透露三輪海選約要在5000人挑選100人入圍，年紀最大參賽者更達76歲。他說：「睇返評審，今日有啲參賽者都失聲，可能選超過100人後再搞一次小規模面試。」

撰文：梁紹明

採訪：黃寶蓮

圖片：東星相片、網上截圖