萬寧設藥餘回收箱 助市民正確處理多餘藥物

早前有調查顯示香港7成半家庭都儲咗唔少藥物，如果藥物過期，部分人會當垃圾丟棄或經廁所沖走，但係藥物中嘅化學成分有機會進入堆填區或大海，造成土壤、水源等環境污染。黛安聽聞，萬寧最近同太平山青年商會合作推出「回收藥物計劃」，即日起至下月30日，喺指定26間萬寧藥房分店設立「藥餘回收箱」，畀市民可以正確棄置多餘嘅藥物。「藥餘回收箱」只會收固體藥丸，唔包括危險藥物及藥水，經收集後嘅藥餘會送到有相關牌照嘅機構妥善銷毀，希望同大家一齊守護環境和市民健康。

另外，萬寧註冊藥劑師亦可提供免費「藥物及用藥諮詢服務」，為市民解答藥物嘅疑問和協調唔同藥物。如果大家有用藥疑問，只要帶同藥物到萬寧駐店藥房或【按此】透過WhatsApp，便可向當值藥劑師查詢。