有線一哥丨李尚正女友積極抗癌令人生轉念 身心健康最重要：唔打算離巢

從有線電視、奇妙電視、香港開電視到HOY TV，經歷過多次管理層變動，20年來，李尚正仍然堅守「有線一哥」的位置，不動如山，他跟盧頌恩（妹頭）合作無間，更成為觀眾心目中的熒幕CP。從沒想過離巢的他，說不想工作太辛苦，安於現狀；而當親歷過身邊人患病後，身心健康視為人生首位，不再單單看重外表或者金錢。

{{hket:ul-video id="8578"}}{{/hket:ul-video}}

李尚正在有線工作20年，在觀眾心目中他是一名有趣而專業的主持人，近來在《死屍死時四十四》中飾演李保安一角，再次喚起大眾對他在電影上的貢獻，尤其他一度是周星馳班底（演員兼創作幕後）。李尚正認為電影工作絕對是因緣際遇下促成，稱︰「觀眾見到今天呢個我，係因為有各種因緣際遇，經歷各種奇遇同難關，先有今天嘅我，包括跟周星馳合作。後來先知道佢得閒就睇娛樂新聞台，咁啱見到我同林海峰個節目《有個娛樂乜人台》（2004年），呢個節目一日播足四次，呢啲機會係買唔到返嚟，竟然咁巧合！」

{{hket:inline-image name="DSC00537.jpg"}}{{/hket:inline-image}}

{{hket:inline-image name="DSC00545.jpg"}}{{/hket:inline-image}}

有線一哥丨李尚正炒車重傷放棄拍戲重返電視 跟女友拍拖18年惜對方患癌拒婚【下一頁】

有人認為，拍電影機會難得，或可發展出一條血路，何以李尚正仍然留在有線？「有線電視倒閉消息傳過好多年，咁多年之後我仍然出緊呢間公司嘅糧，咁代表一定有佢嘅經營之道。我冇做過TVB藝員，當然唔清楚，聽聞都幾辛苦，我工作量唔可以太多，太多嘢做我會唔開心，我覺得HOY TV或者以前嘅有線電視係比較人性化。」

李尚正主持的《臥底旅行團》和《空間改造王》兩大皇牌節目，大受歡迎。他透露《臥底旅行團3.0》承接以往傳統，以報團的方式拍攝旅遊節目，「2019年至2022年，疫情導致旅行團模式改變，以前去短線廣東團有好多購物點同騙局，不過而家連佢哋都做唔到落去。」至於《空間改造王》，他坦言自己都是粉絲，「有時搭車都有乘客問我係咪《空間改造王》主持人？雖然仍然講唔出我個名，我已經非常開心。一開始節目唔係叫《空間改造王》，係叫《空間大改造》，強尼、李佳芯主持，非常受歡迎。而家強尼雖然講唔上係蜚聲國際，見佢一路做主持人一路增強男人嘅自信，不得不提呢個強尼時代。」多年來，跟李尚正拍檔最多的就是盧頌恩（妹頭），他承認不少觀眾和網友都會追問兩人的感情發展，他說：「好多人問我哋嘅感情進展，我都好尷尬，人哋有男朋友吖嘛！我感謝各方嘅關懷，真係冇進一步嘅發展。」

{{hket:inline-image name="DSC00549.jpg"}}{{/hket:inline-image}}

{{hket:inline-image name="DSC00567.jpg"}}{{/hket:inline-image}}

其實李尚正已經有個拍拖18年的女朋友，對方因為患癌而拒婚，二人保持情侶的關係，他說︰「我女朋友知道患癌之後，反應梗係晴天霹靂！我一定要扮到好淡定，同佢講我有幾個朋友都有呢個問題，唔使擔心，去搵醫生啦！」他表示，同期女友跟十多人試新藥，他們不幸地先後離開，「如果係我嘅話，我一定會辭職去旅行，唔好再捱，佢唔同，佢覺得人哋離世係人哋嘅事，佢心態係『一定要活著！』因為佢仲有好多嘢想做而未去做。」女友現時跟癌症共存，說不上是勝利，隨時會復發，「無論病變或有任何變化，最重要係捉緊信念。」

見到身邊人積極面對人生困境，也令李尚正的價值觀改變，「以往我認為賺錢至上，上鏡就要靚仔...後來覺得最重要係健康，係指身體同心態上嘅健康。人呢好容易心態上唔健康，睇到人哋賺大錢但佢做埋啲傷天害理嘢喎...第二，事業上唔期待加好多人工，可能會加少少啦，如果我留喺呢個行業，盡量為娛樂圈貢獻力量，等大家可以輕鬆一下或者有所選擇，咁樣已經好開心！」問到是否無意離巢，李尚正笑言：「我承諾，如果HOY TV唔裁員，我都希望留低...當然有各種因素，我真係懷疑會裁走我哋咩？因為只係剩番兩個人，就係我同妹頭，如果裁走就...但好難講！」

{{hket:inline-image name="DSC00607.jpg"}}{{/hket:inline-image}}

{{hket:inline-image name="DSC00601.jpg"}}{{/hket:inline-image}}

{{hket:inline-image name="DSC00615.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

採訪：陳小芝

撰文：娛樂組

攝影：何家賢、林君茹