有線一哥丨李尚正炒車重傷放棄拍戲重返電視 跟女友拍拖18年惜對方患癌拒婚

現年42歲、被喻為「有線一哥」的李尚正接受商台DJ梁泰來的節目《星光背後》訪問，他近日在電影《死屍死時四十四》飾演爆笑保安員再度人氣急升。父母均是教師的李尚正因會考4A5B與高考3A1B成績優異入讀港大建築系，但03年未畢業就跳入當年剛啟播的有線娛樂新聞台，翌年再因夥拍林海峰主持節目《有線娛樂乜人台》獲周星馳賞識挖過檔，先後有創作或機會參演星爺《長江七號》等三齣大片。

同場加映：田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="LEE.jpg"}}{{/hket:inline-image}}

節目中，李尚正坦言意想不到當年一個「弱台」節目會令星爺本尊留意到，「其實嗰個節目百分之九十九都係林海峰構思，我只係佔極少時間講幾句對白！周星馳托人搵我電話想約我見面時，我真係呆咗，形容唔到當時反應。嗰時佢啱啱做完《功夫》，本來想一齊度橋《功夫2》，之後唔成事先變成《長江七號》。」

李尚正揚言能有機會跟周星馳合作「貼錢都甘心」，「我係即時返有線向余詠珊辭職，最初幾次度橋冇錢，後來人工係比有線高，對我好好。」有指星爺於片場脾氣大、容易動火罵人，問李尚正接觸真實的周星馳，他說：「坦白我見過佢好燥，唔知點解會咁樣鬧一個人，但我好好彩，佢對我係好客氣，合作多次，真係從來冇被佢鬧過！最多只會催我：『你可唔可以快啲？』絕少涉及粗口，總括嚟講，我只係覺得周生性子急，佢叫你做，一定要做到。」

{{hket:inline-image name="LEE1.jpg"}}{{/hket:inline-image}}

{{hket:inline-image name="LEE2.jpg"}}{{/hket:inline-image}}

至於2010年重返有線，做至今天的「有線一哥」，他苦笑說：「嗰陣電影冇工開，加上揸電單車發生嚴重意外，瞓咗幾個月醫院，而家你見我四肢健全，但當時我肺穿窿積水，半年只係靠保險過活，之後係想轉行，但就有個監製朋友搵我返有線。」他坦言羨慕大批「有線幫」同輩隨余詠珊過檔TVB很快名成利就，但他說留守有線至今亦有優點，「每年有人工加，外出接Job抽佣又不高，又冇收視壓力，節目做咩亦不會被投訴，友台嘅問題，我哋一啲都冇。」

{{hket:inline-image name="800_a5e93ecbbcd01358b35336c7a5a93864.jpg"}}{{/hket:inline-image}}

李尚正曾被中學同學踢爆讀書時已極受異性歡迎，節目中，他坦言曾有過十數位女友，被問及追女仔心得，他一臉認真說：「我真係鑽研過，亦睇過《男人來自火星，女人來自金星》呢本書，追女仔唔係靠靚仔，最重要係用心，肯花時間、心機同金錢喺對方身上。」

至於前度多多的他，現在有一個拍拖18年的女友，對方如何令他臣服？他說：「佢都係交出真心，為我做咗啲命都唔要嘅事，我點會變心？」常帶給觀眾歡樂的李尚正，被問及跟女友為何至今仍未結婚？他的回答令人頗為感慨：「其實都可以講，唔結婚係佢嘅意思，因為佢生cancer，我哋一齊一、兩年後發現呢個重病，佢唔想連累我，仲話我想成家立室可以搵第二個，但我冇所謂，我冇承諾都唔緊要！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組