由郭嘉駿（193）、譚凱倫（Helen）、郭奕芯和鄭伊琪主持的ViuTV節目《戀講嘢》，每集都請來一位素人自爆戀情史。在剛播出的一集（27日）中，29歲的Katrina自爆讀書時，認識了一位男仔，對方後來跟國際公司簽約做藝人，兼且去韓國受訓。Katrina透露二人雖然只有短暫的戀愛，但對方出盡冧招，親熱期間更借意食女方口中香口膠索吻。她提到該男子的種種特徵，都跟今時今日紅遍世界各地、迷倒很多女粉絲，包括藝人鄭裕玲的王嘉爾十分相似。
同場加映：陳慧琳爆兒子最愛看周星馳電影 自薦飾演《少林女足》退休教練
身型略瘦削的Katrina帶同一張跟男方的合照到電視台，主持人看到後都感嘩然。193還表示：「佢個樣唔同咗，越紅越唔同。」Katrina講述與男方的相識經過，形容對方現時是歌手，而且IG有過千萬Followers。她憶述讀中六的時候，這男仔經常在她所讀的國際學校球場打波，她說：「佢當時個樣唔係好出眾，唔算高，後來佢成日喺MSN轟炸我，覺得好煩我唔係咁鍾意佢。」後來，該男仔去了韓國做練習生，二人保持聯絡，男仔爭取臨睡前偷偷跟她視像對話，除了互相傾訴近況外，男方亦會講述練習的種種，她更說：「佢成日會話好掛住你，好想見你。」當時她仍然保著平常心心態，並沒有想太多。
黃明志爆有男星「硬攻」少女粉絲 斥行為可恥堅持唔戴套引揣測【下一頁】
韓團GOT7成員｜王嘉爾向泰粉行跪拜大禮惹爭議 豪氣推開工作人員 跪足14秒【下一頁】
後來，男方在訓練期內，曾回港休息3日，期間相約Katrina見面。因這次是二人初次約會，大家臨走前都依依不捨，在港鐵站內拖拉了很久。Katrina補充說，當日見面二人曾一起食牛腩麵，事後Katrina覺得口氣重食香口膠。男方主動吻她後，互相交纏。郭奕芯問到：「佢唔係話想食你嚿香口膠？」Katrina尷尬掩面說：「類似啦！而家諗番都覺得噁心。」193則取笑，指追女仔橋段老土。被問到約會傾甚麼，Katrina笑言都是普通對話，後來眾人研究男方有沒有需要整容，Katrina覺得當時他樣貌雖不算太出眾，但都不算差，認為不用再調整外貌。
維持異地戀期間，Katrina都有想辦法爭取見面，得知男友當時在紐約受訓，便選擇在該公司附近的學校升學，但可惜對方只停留一段時間，緣慳一面。Katrina年幼時亦有個「明星夢」，所以曾到男方所屬公司的深圳分部面試，希望加入公司爭取見面 ，但亦不成功。
隨著男仔入行，大家已越來越少聯絡，Katrina更發現有日對方IG突然Unfollow自己。她坦言當時都有在意，但現在已有一個情投意合男友，就算該巨星再想拉近距離，她都不會考慮。每次節見嘉賓都會留低一件情意結的物件，寓意讓大家好好放下。Katrina拿了一張寫著韓文的便條，「當日喺港鐵分開前，我哋有合照，仲叫佢簽個名畀我，話佢紅咗唔好唔記得我。跟住佢寫咗呢張畀我，大概話唔好意思唔可以成日覆我訊息，我好愛你。」紙張上還有男仔的簽名，製作組把簽名打上馬賽克。
其後郭奕芯表示18歲左右，有日跟朋友唱卡啦OK，同場都有Katrina口中的明星男友。當時郭奕芯的女性友人翌日自爆，跟當晚才認識的這位男仔發生親密行為，而該男仔當時也自稱是練習生，似乎與Katrina交往的時間重疊。節目播出後，Katrina和節目都成為網站熱門搜尋，引起網民關注。
Katrina描述的各種特徵都跟已榮升國際巨星的29歲王嘉爾十分相似，他小學時候開始讀國際學校，17歲時去韓國受訓，後來成為韓團GOT7成員。王嘉爾亦經常被捲入桃色是非之中 ，早前馬來西亞歌手黃明志怒轟一位當紅男藝人，指他強迫未成年少女發生性行為，更表示對方十分愛國。剛巧王嘉爾當時正進行世界巡迴演唱會，在英國一站突然在台上表忠愛國。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組