美心旗下50餐廳 推七一折慶回歸26周年

本周六就係七一回歸26周年紀念，逾千間食肆推特別優惠，同市民一齊慶祝。公關姊妹同黛安講，美心集團旗下約50間餐廳會推出七一折，包括美心MX、can.teen同美心Food2。而美心MX更特別將其兩大王牌套餐，包括「燒味菜脯香蔥炒蛋」系列同「去骨海南雞飯」系列，於7月1日當日午市同晚市提供七一折優惠。

黛安聽聞，美心MX係首間提供起骨海南雞嘅快餐店，海南雞以「浸」熟方式煮，雞肉特別嫩滑，起骨之後再用熱辣辣雞湯將雞肉淋暖；而菜脯炒蛋就加入蝦米醬同香蔥，微辣兼帶鹹香，配上半肥瘦蜜汁叉燒，簡直絕配。而當日午市同晚市，can.teen亦會喺旗下4間分店，包括中環太子大廈、長江集團中心、世紀廣場同金鐘海富中心，推「魚湯米綫系列」及「招牌去骨海南雞系列」七一折；美心Food2就喺旗下3間分店，包括九龍灣德福廣場、港鐵紅磡站及南昌V Walk，推「鮮茄焗豬扒飯」同「去骨海南雞套餐」七一折，千祈唔好錯過啦。