中電「和您一起過節」 教長者善用數碼科技遊走社區

社會邁向數碼化，大眾喺日常生活上更依賴智能手機，不過新科技卻為長者帶嚟唔少挑戰。黛安聽聞，中電推出「和您一起過節-樂遊無限」活動，首個活動係同東華三院合作，舉辦一系列數碼科技工作坊，剛過去嘅星期六（17日）就舉辦咗大型實踐活動，帶領長者認識數碼科技，遊走社區，提早同賀端午節。

當日中電總裁蔣東強、勞福局局長孫玉菡及東華三院第四副主席蔡加怡，聯同中電管理層和30多位中電義工，陪160位長者到戲曲中心欣賞粵劇，利用手機應用程式細閱場刊，並參與午宴及運用手機點餐。中電義工更利用數碼科技與長者大玩環保節能遊戲㖭。參加者周伯伯大讚活動實用，仲話活動令佢學識掌握手機基本操作，義工亦耐心解答疑難，而家可以拍低生活點滴同親友分享。