港鐵「橡皮鴨二重暢」 百變黃鴨 延續鐵路藝術之旅增添6站

最近巨型黃色橡皮鴨再次訪港，唔少人都爭住同佢影相。黛安聽公關姊妹講，繼早前港鐵金鐘站化身橡皮鴨主題車站後，6個富香港文化特色造型嘅迷你橡皮鴨，近日已經登陸機場站、荃灣站、土瓜灣站、沙田站、屯門站及上環站，將歡樂和驚喜傳送到唔同嘅社區。連同首批「《橡皮鴨二重暢》遊香港特色」系列，今次橡皮鴨港鐵藝術之旅將跨越全港24個鐵路車站，大家記得去打卡喇。

例如機場站嘅橡皮鴨設計，就以大嶼山獨有嘅「藍的」為主題，讓來自世界各地嘅旅客到埗及登上機場快綫出發到市區時，瞬間感受到一對歡樂橡皮鴨嘅熱烈迎接；沙田站嘅橡皮鴨則換上龍舟隊伍造型，畀乘客體驗本地傳統及地道嘅龍舟文化風情，齊齊迎接下星期嘅端午節；屯門站嘅造型則添上大澳水上棚屋及中華白海豚，帶乘客體驗大澳獨有嘅水鄉風情；至於荃灣站及土瓜灣站嘅款式，就加入「綠的」及紅色小巴元素；上環站嘅設計則以香港著名摩天大廈為標誌，總之各有特色。