詹瑞文首度開腔含淚難捨亡妻 悉對方患癌：點解一齊時間咁短？

詹瑞文（現名詹昊宸）的第二任妻子Amenda於今年四月癌病去世，他就沒有公開露面。而昨日他與徒弟兼好友蔣怡開live，講述失去摯愛的傷痛。

同場加映：

港姐首輪面試學歷同年齡偏高 一片睇晒今屆參選佳麗質素

{{hket:ul-video id="8430"}}{{/hket:ul-video}}

詹瑞文指好高興上天賜給他Amenda這位靈魂伴侶，說︰「我哋生命頻率好接近。好多人好難明白，點可以工作夥伴又係伴侶？因為我哋話題實在太多，心靈上好close。佢影響我生命，畀我預期還要大，生命中可以接觸到一個咁美麗嘅靈魂，係我嘅幸運，係上天賜畀我。」

{{hket:inline-image name="353826212_801775944642345_2571383066055146452_n.jpg"}}{{/hket:inline-image}}

去年年底得悉Amenda患癌後，詹瑞文︰「當時有一瞬間覺得，點解我哋一齊時間咁短？可唔可以長啲呢。」說話到此，不禁落淚。他好好珍惜最後與Amenda相處的時間，「最後四個月日子裏面，體驗到人生寶貴課題，一個係『希望』，另一個係『愛』。人生要有希望，如果只要結果，人生會好痛苦；另一課題︰愛，愛就係一生都要學習，喺呢四個月裏面，我哋每一日都體驗同經歷，講緊嘅愛唔止我哋兩個，仲有朋友。由佢病到同佢行到最後一刻，我人生都有好大轉變，知道之後做嘅嘢會好唔同，因為生命唔係只留於軀體上。」

{{hket:inline-image name="-89-8.jpeg"}}{{/hket:inline-image}}

曾經有人問他︰「詹Sir你咁傷心，失去一個咁重要嘅人...」原來是擔心他會頹廢下去。詹瑞文：「首先我份人係好識take care自己，讓自己明白悲傷係處理唔到呢件事。四個月以來學習用愛去愛自己，愛朋友、親人，我係用感恩去緩解悲傷。你話我而家係咪無悲傷？唔係。有時都會有好多悲傷、懷念湧出嚟...我反而感恩，我人生裡能夠認識Amenda，一起生活嘅十年，每一天都過得咁濃烈。」

兩人相識二十多年，一起生活十年。詹瑞文稱亡妻是低調的人，永遠在背後支持他。「1997年Amenda經朋友介紹嚟我公司做藝術行政人員，當時我公司得三個人。頭十年合作，佢令我知道之後藝術方向...當時我同Olivia（前妻甄詠蓓）係藝術總監，Amenda帶住一team得幾個人，support住我哋所有創作。我性格係想做就要做嘅人，至於點做就靠佢。係佢用盡佢方法完成我夢想、理想。經過多年之後，我同佢喺工作上建立咗好好嘅默契，再經過一段時間，除工作上，感情上我哋都決定喺埋一齊。」

他指當時Amenda承受了不少負面批評，「有啲嘢我知，只係佢平時冇講出嚟，佢會為一啲報道而唔開心，你都知媒體點樣好負面咁描述我哋...」有朋友替她不值，「佢會安慰番朋友︰『唔緊要，反正我知道自己做緊乜，如果我回應，反而掉入圈套。』佢好聰明，反而我成日戥佢唔抵，成日想為佢出聲，但佢撳住我，因為若果我為佢表達，反而有更多（新聞）衝住佢而嚟，佢嘅能耐真係好高。」

撰文：娛樂組