「賽馬會小學生習泳計劃」冬季免費課 開始接受報名

運動對學童相當重要，黛安聽公關姊妹講，由馬會慈善信託基金起動及捐助，泳總及海洋公園合辦嘅賽馬會小學生習泳計劃冬季課程，將於今年9月1日至明年4月30日開課，即日起接受2016年出生及唔識游水嘅學童報名，7月4日截止報名。計劃喺2016年首度推出，吸引逾15,000名初小學生參加。今次冬季課程名額共2,100個，來自基層家庭嘅學童將獲得優先取錄。

計劃會喺港九新界多區提供20小時嘅免費習泳課程，課程師生比例為1名教練教授最多6名學員，獲取錄嘅學員，更可免費獲得1套游泳用品，包括泳衣、泳帽及泳鏡等，希望基層兒童亦可享平等學習游泳嘅機會。報名詳情可【按此】瀏覽，取錄結果會喺7月13日於計劃網站公布，8月中派發游泳套裝畀學員。