陳卓賢(Ian)、周秀娜(娜姐)、男子組合P1X3L成員吳啟洋(Phoebus)、李靜儀、吳家忻、李炘頤和胡卓希,今日在尖沙咀出席「VERSACE海港城限時概念店開幕活動」,大批Hellosss(Ian fans暱稱)昨日已到場霸靚位,當Ian現身之際,Hellosss開心得不停大叫。
同場加映:炎明熹被問事業線:我唔知我有冇 陳凱琳爆囝囝冇聽鄭嘉穎啲歌
Ian指自己由細到大都喜歡時裝,所以很想多出席時裝活動。提到大家期待他以夏裝示人,Ian笑說:「大家成日話我哋冇夏天,其實短褲我ok㗎,我以前打排球,條短褲短到係大家都想像唔到;(演唱會着熱褲?)可以考慮吓喎,熱褲配背心,我平時出街係會着短袖㗎!我哋做嘢着得比較厚啲,可能驚我哋凍,室內呀,冷氣吖嘛,攝親就唔係幾好啦!」Ian希望演唱會前能夠推出自己的專輯。
提到Ian有份替隊友李駿傑(Jeremy)開聲,為他爭取開個人騷,Ian笑說:「我都想講,佢都呃得我透,我完全唔知道,我真係真心公開爭取,跟住過幾日佢就話『我開騷喇』,但我都好戥佢開心,嬲佢唔落,但佢又瞞得幾好喎!」
MIRROR成員|Ian曬爆肌相遺憾未能於演唱會除衫 呼籲粉絲幫忙P圖圓心願結果係..【下一頁】
對於姜濤日前在電台訪問中,透露低潮時曾主動向公司要求入雪櫃,Ian說:「我知佢唔開心,但我冇過問太多,純粹send咗訊息畀佢,我話『你唔使覆我,你幾時需要我哋就會喺度,佢不嬲都成熟嘅,好多嘢都識處理,畀啲空間佢囉!其實我哋各自都有壓力,我都係誤打誤撞先入到呢行,可能當初都冇諗過要面對乜嘢,或者要承受啲乜,大家畢竟都係人,都會有情緒,適當時候同自己溝通一下。」
由於工作太忙,Ian表示未有太留意《全民造星V》,但他知道有參賽者唱他的歌,他坦言感到很開心。問他有甚麼評語或忠告給參賽者?他說:「評語同忠告就不敢當,但我以過來人嘅經驗,所有嘢係真誠對待,以禮相待,大家就會睇到你嘅真誠,畢竟《全民造星》除咗係一個才藝節目之外,仲係一個真人騷,大家會愛上你,除咗係才能之外,仲有係你嘅為人。」
周秀娜疑患「關節過動症候群」 自我測驗拇指竟然反成咁?【下一頁】
對於娜姐日前在IG上載穿紅色背心出海的靚相,其豐滿身材走了樣,她即說:「好彩唔係話我個樣走樣啫,(係咪瘦咗?連上圍都瘦埋?)衫嘅cutting唔同,睇到嘅嘢就有限,我出海玩滑水,又上水又落水,點樣郁都好,都唔會飛出嚟,但嗰件泳衣嘅上圍係有少少鬆,同埋我而家係最肥嘅時候,但幾多磅,我唔話你聽,我自己知之嘛!上個月22號我生日,食咗幾餐生日飯之後,我都推晒,因為食咗好多蛋糕,真係肥咗,自己都feel到。」娜姐要做健身和打Boxing瘦身。
提到娜姐早前指自己疑患「關節過動症候群」,好友林德信建議她做瑜伽,娜姐說:「原來Cherry(顏卓靈)同我一樣,做完運動之後,身體會特別攰啲,如果傷及某一啲位,而唔治療,手尾會好長,所以之前我拍戲,成日都整親隻腳,唔多唔少都係呢個原因,因為關節位會特別弱啲,所以唔好以為咁鬆嘅筋係好。」
採訪:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】