泰國醫療｜泰國醫院通波仔埋單$6萬有找 胡慧沖分享泰醫療體驗：如住酒店

「泰國通」胡慧沖長年在泰國工作，拍飲食節目亦難免暴飲暴食，早前做身體檢查就發現多條心血管有阻塞情況，其後接受醫生建議做「通波仔」手術，留院一晚至今日（1日）出院。出院後他大讚泰國醫院服務理想且價格至少平香港一半，並向有意赴泰就醫的港人提供幾個貼士供大家參考。

同場加映：
管家王｜單親媽工餘做公仔醫生修補愛 難忘為伯伯修好老伴遺物

{{hket:ul-video id="8305"}}{{/hket:ul-video}}

大讚護士服務貼心：牙膏都幫我唧埋！

通波仔後留院一晚，胡慧沖指留院期間可以照常上網用電腦，自己就以工作及睇書消磨時間，直言感覺相當寫意，「好似去咗Coffee Shop咁，不過係我只可能飲水」。胡慧沖又對醫院環境配套讚不絕口，除了私家病房夠寧靜、私隱度高方便他如常工作之外，他又大讚醫院護士服務極之體貼，

「成晚身上貼滿晒儀器唔方便走動，護士間唔中就嚟關心我情況，有要求都可以隨時向護士求助，朝早又送早餐連牙膏都幫我『唧』埋，出院又幫我拎行李送落樓搭車，服務真係酒店一樣。」

胡慧沖續指自己已多次接受該位心臟科醫生診斷，雙方已有認識自然有講有笑。事實上於早前檢查當中，醫生已發現胡慧沖有另外兩條心臟血管都有阻塞情況，加上對方亦知胡慧沖有買醫療保險，大可以建議胡慧沖多通兩個波仔「賺多一筆」，醫生最終未有提出相關建議可見對方亦非只為錢，

「身為病人，醫生要我通多幾個波仔我都無得拒絕，但佢一路都無咁做。感受到醫生護士真係好體貼，同埋係為病人好！」

出院埋單$6萬有找：平香港至少一半

康復出院自然要埋單「找數」。胡慧沖指連同手術費、住院費及藥費雜費，埋單收費約25萬泰銖（約5.6萬港元）。胡慧沖直言該院雖然非國際一級大醫院，但至少亦是具質素的私家醫院，對帳單銀碼可謂「喜出望外」，

「如果喺香港私家醫院做通波仔，瞓一萬至少都要十幾二十萬，喺泰國價錢平至少一半，重要係醫療保險有得Claim。」

價錢相宜當然是胡慧沖選擇留在泰國做手術的原因之一。除此之外，胡慧沖指每次回港都要處理大量公務，如同時要入院做手術甚至連與家人團聚都無時間，如此一來不如留泰就醫，慳時間之餘亦不怕「破財」。

港人赴泰求醫普遍 胡慧沖醒你3大貼士

環境好服務佳而且價錢平，如此吸引會否建議港人到泰國求醫？胡慧沖就指自己所住的私家醫院始終非國際性最高級別，醫生護士未必能夠以流利英語溝通，他自己亦是在當地親友幫助之下先能夠同醫生溝通清楚，坦言對一般港人而言未必是最佳選擇。胡慧沖續指他認為不少港人的確會在泰國就醫，簡單如身體檢查甚至做手術都有。對於有意一試的港人，胡慧沖提出幾個貼士供大家參考：

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【免費下載】