余曉彤想轉戲路唔做打女 改行性感無底線：年紀大身手無咁好！

杜穎珊 (Sandy )和余曉彤(Hidy)等昨日出席《香港健身Guide第二屆 BeFit 全⺠運動3點3活動》，Hidy更獲邀擔任頒獎嘉賓。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="DSC_1714.JPG"}}{{/hket:inline-image}}

余曉彤透露近日剛拍完陳果執導的電影，首次合作，最開心沒有動作戲，Hidy說：「之前拍幾部戲都要打，今次係全文戲，可以試下唔同嘅挑戰。」Hidy又稱就算要性感都無問題，不過她自嘲性感和靚都沒有人會想起自己，問到性感底線，裸露又可會接受? 她表示要視乎角色和劇本，強調自己是一個專業演員。問到是否對做打女感到厭倦？她說：「其實又唔係，只係覺得隨住年紀漸大，拍動作戲身手都唔及以前，趁有機會都想嘗試唔同角色。(性感又打得?)都可以考慮喎！」

{{hket:inline-image name="DSC_1664.JPG"}}{{/hket:inline-image}}

Sandy表示讀大學時候已考獲瑜伽導師牌，六年前亦開始教學生，現時擁有兩間瑜伽中心。早前她去了印尼跟隨一位印度瑜伽老師學習，趁機讓自己放假一個月，她指疫情期間無法外遊，現在終於可以四處遊覽兼增值自己，今次去了新加坡、印尼、台南及內地多個地方。不過Sandy笑言未有艷遇：「可能我性格內向，朋友都係以女仔為主。」雖然瑜伽中心多了男學生報堂，不過未有合眼緣對象，她也無意發展師生戀：「不過靚仔就另計，哈哈。」

採訪：黃寶蓮