肥媽斥國泰涉歧視內地人空姐 勞氣鬧冇品德：你是老幾呀？

肥媽（Maria Cordero）出咗名係愛國先鋒，90年代已經參與愛國活動「民主歌聲獻中華」，為同胞發聲。向來敢言嘅肥媽日前又為中國同胞抱不平。

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

早前有中國內地乘客坐國泰航空從中國四川成都飛往香港，佢指被3名空姐出言羞辱不會說英語、粵語嘅旅客，更偷錄到空服人員用英文、粵語抱怨：「If you cannot say blanket in English, you cannot have it（如果不會說毛毯的英文，就不能拿毛毯）」、「Carpet is on the floor（地毯是在地上的）」，語畢周遭響起一陣訕笑聲。

{{hket:inline-image name="9.jpeg"}}{{/hket:inline-image}}

事件傷害咗14億中國人嘅感情，香港特首李家超怒責國泰機組人員不尊重乘客、言行惡劣，破壞了香港一貫的尊重、有禮、共融的文化和價值觀，表示感到痛憤同失望。而國泰事後亦解僱咗相關員工。

傷害到國民感情，肥媽當然義憤填膺，日前佢就喺抖音鬧爆呢幾位空姐，激動到以為佢準備唱《媽媽I love you》！肥媽霸氣用普通話鬧：「連自己的人都看不起！會講英文很好嗎？你現在你看全世界都學中文呢！作為空姐，有必要照顧乘客，幫乘客解決問題。那幾個人的品德，哎呀不能講品德的，根本沒有！沒有！瞧不起人？你有資格瞧不起？你是誰呀？你是老幾呀？假如他說給他一個機會，那都不行，我覺得做得非常好，馬上炒魷魚！」唔少內地網民都大讚肥媽正氣，中國實在需要多幾個肥媽先可以更強大呀！

不過肥媽都唔係每次言論都被大家認同，早前佢高調爆Nel Nel （張學潤）受財務問題以及感情困擾，令人聯想Nel Nel輕生與錢銀瓜葛有關，惹起其家屬不滿，要求影片下架。事後，肥媽亦有向Nel Nel家屬公開道歉。