BabyJohn慶祝入行暨結婚10周年 籌備年尾出書分享生活態度

蔡瀚億（BabyJohn）在2013年拍攝電影《狂舞派》出道，轉眼間已經踏入第10個年頭。在電影圈默默耕耘的他，在圈中一直少有緋聞，因為當年26歲的他已經結婚。日前他與太太Donut舉辦了一個以懷舊80年代為主題的派對，與圈外好友一同慶祝這個特別的「雙十」紀念。當中除了《狂舞派》一眾狂熱舞者外，還有MIRROR成員楊樂文（Lokman）、以及顏卓靈等人，都應邀出席一同慶賀。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

{{hket:inline-image name="9.jpg"}}{{/hket:inline-image}}

結婚以來，夫妻二人恩愛如昔，BabyJohn更常被圈中人讚是「愛妻號」，他表示：「10年時間過得好快，如果要以每一個『10年』 作為人生階段嘅分界線，其實只係佔好少部分，而家回想好感恩自己當年選擇事業起步，同時跟另一半結婚，兩者一同踏入新階段。咁多年嚟，好彩有太太支持，如果唔係我未必能夠撐過事業上峰迴路轉嘅歷程。」

銅鑼灣小店生意淡靜欠租陷危機 梁祖堯落力瞓身宣傳一呼百應【下一頁】

觀眾在民間電視大獎2022 丨盧瀚霆江美儀獲選為民選視帝視后 《季前賽》奪4獎成大贏家【下一頁】

{{hket:inline-image name="111.jpg"}}{{/hket:inline-image}}

他們的愛情能夠「保鮮」，全因為這些年來夫妻恆常有深度交談，互相閱讀內心，坦然地面對大家的狀態，BabyJohn覺得這就是相處之道。不過一直以來，都未見他們有生育的打算，他認為「繽紛嘅樂園遊玩過，安然沉穩嘅山水亦靜待過，能夠繼續一齊經歷每時每刻嘅風景，最重要係健康快樂喺埋一齊就足夠，生唔生小朋友呢個議題對我哋唔太重要。」

於2019年自組工作室的BabyJohn，自主性較高，見他跟梁祖堯、陳俞希主持《空肚講宵夜》多年，他之後希望能繼續以演員身分拍戲或者劇集，「自組公司4年間經歷過疫情各樣大小事，自負盈虧真係好唔容易。今年暫定都會有兩套電影上映，期望之後可以同電影公司或者一啲新導演合作，保持初入行嘅熱誠，以演員身分拍更多好電影畀觀眾。」為了慶祝入行10年，公司經理人花心思，特別為BabyJohn設計了紀念 Tee，把他過去10年演出過的角色造型印在衫背，「原來都有三十幾部，佢特別印咗雙加大碼，寓意我繼續拍更多戲可以有新角色加上去。」

BabyJohn與太太一直特別喜歡去日本旅行，又對當地人生活感興趣。 近日他籌備推出一本關於個人生活態度的書籍，以紀念首個演藝10年，「因為早兩年有出版社想搵我出書，對我嘅生活態度，以及我對日本文化嘅認知同見解好有興趣， 但一直搵緊個好時機，就想趁今年特別嘅一年推出，暫定會喺我年尾生日時限量發行。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：王連連