《空肚講宵夜》三周年丨「八婆」成陳俞希代名詞人人恨要 蔡瀚億梁祖堯感恩觀眾睇得開心

ViuTV節目《空肚講宵夜》三周年，陳俞希（Hailey）、蔡瀚億（BabyJohn）及梁祖堯三位主持合作充滿默契，他們之間的互動大受觀眾歡迎，令節目添食再添食。Hailey也因此獲得專屬的「八婆」稱號，BabyJohn成功偷師當上廚神；而梁祖堯笑認身形「變闊」，他沒有怪罪節目，每星期能夠為香港人帶來忘憂輕鬆的半小時，大夥感到非常開心。

{{hket:ul-video id="7197"}}{{/hket:ul-video}}

《空肚講宵夜》播放三周年，節目吸納大批觀眾支持，今晚三周年特別開放錄影廠，讓觀眾現場欣賞梁祖堯親自下廚，即場睇住三位主持狗咬狗骨。梁祖堯說：「三周年轉眼就過，第一次開會的畫面仍然歷歷在目，當時發言不斷重疊，大家對話扮friend、扮雀躍。」隨著合作時間越長，關係亦越來越密切，他和BabyJohn直稱Hailey「八婆」，梁祖堯說：「真係節目效果嚟㗎！我喺街唔會隨便叫人做八婆，有次我出街見到對情侶，男仔拎住手機影住，女仔就埋嚟問我：『可唔可以嗌我一聲八婆？』咁樣！大佬呀，好哋哋一對情侶，唔好咁犯賤啦，搞到我好尷尬！況且『八婆』呢個名係屬於Hailey㗎嘛！」Hailey笑言：「連我媽都咁嗌我︰『快啲去執嘢啦，八婆！』咁樣，佢開玩笑啫！」

Hailey陳俞希15歲愛犬突然離世 最難忘親手接生「小黑」緣份極深【下一頁】

{{hket:inline-image name="0001-8.JPG"}}{{/hket:inline-image}}

{{hket:inline-image name="0001-23.JPG"}}{{/hket:inline-image}}

{{hket:inline-image name="0001-25.JPG"}}{{/hket:inline-image}}

{{hket:inline-image name="0001-20.JPG"}}{{/hket:inline-image}}

BabyJohn坦言拍了上百集，真心佩服梁祖堯的創意，每次都能製作出不同料理，「試過有一次，助導買齊晒食材之後，準備拍之前先發現原來呢味菜整過！惟有即時改菜式，祖堯真係好犀利，即時改到。」問到是否變肥了？梁祖堯即時用手擠出腰間的贅肉，開玩笑稱：「而家係我人生最瘦嘅時刻，你以為節目所有食物都放入肚？好多貴價食材同美食，鏡頭一轉，我就吐出嚟...」Hailey接着說：「佢食完之後內心會內疚，會禱告呀懺悔呀陰公！」

突然，梁祖堯一臉正經解釋，其實《空肚講宵夜》不過是一個月有兩天拍攝檔期，自己體重增加了，絕對不能夠怪罪節目，他重申一次︰「我哋並唔係煮食節目，監製講我哋唔使下廚，只係我哋攞嚟搞，搵嚟煮...」Hailey笑言由第一集食便利店雞髀開始，一發不可收拾，和牛、龍蝦等等接踵而來。

【空肚講宵夜】梁祖堯爆港島同九龍新界長大有別 「大笨象揸枝槍去打仗」下句係...【下一頁】

BabyJohn認為三年來跟觀眾的關係有所改變，「之前觀眾對我哋嘅感覺，可能係似坐酒吧，我哋三個喺隔離枱傾偈咁，而家慢慢就同我哋變成一家人！喺街遇到我哋時，由好靦腆到而家好似相熟嘅朋友！」梁祖堯感激網民支持，不少人透過社交平台私訊他，「老實講，呢幾年喺香港人過得唔容易，好多時返工又怕疫情，經濟唔好又怕保唔住份工，社會氣氛又大壓力...好多網民認為星期三晚係佢哋一個發洩、紓壓嘅時間。繼續做呢件事好開心，歡樂畀到大家，畀大家忘憂半個鐘，係一件好事！」Hailey稱節目快將開始拍攝第14季，希望長做長有，希望將來有更大地方容納更多現場觀眾，BabyJohn建議在商場取景，而梁祖堯許願《空肚講宵夜》殺入紅館！

{{hket:inline-image name="0001-11.JPG"}}{{/hket:inline-image}}

至於三位主持難忘的菜式是甚麼？Hailey最愛「冬蔭公意粉」，而BabyJohn試過「海鮮一鑊熟」，多次試煮都失敗，不斷黏鍋，幸好經梁祖堯「點醒」之後學識用牛油紙墊底，終於成功！至於「大廚」梁祖堯笑言：「最難忘梗係『維納斯乳頭』，食物味道係冇問題，但一拍出嚟，我哋喺旁邊小熒幕見到，真係好樣衰！」

Hailey最喜愛「結婚」的一集，笑言：「恨咗好耐啦！」梁祖堯、BabyJohn要稱讚她，說出她的優點，梁祖堯說：「慧妍雅聚，又賢淑又優雅，重點係佢一定比所有香港小姐及亞洲小姐好！」而BabyJohn笑稱他會跟Hailey的另一半講：「你嘅世界從此不再冷清！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：楊安莉

攝影：何家賢、陳健珊、王華婷

服裝：SUNCOO（陳俞希）