大離婚日丨田蕊妮劇中癡戀TIGER獲本尊捧場 遭「小虎隊」追問係咪真粉佢話...

田蕊妮獨腳戲舞台劇《大離婚日》正在公演，劇中吳淑賢一角色既為人妻，亦係MIRROR成員邱傲然（TIGER）的超級粉絲，沒想到昨晚（17/5）本尊捧場，TIGER在田蕊妮謝幕時獲邀上台，她即時「花癡」上身，拎住對方隻公仔，興奮跟偶像合照，影完之後搞笑說：「可唔可以親密啲呀？」TIGER大方搭住阿田膊頭，頭貼頭合照，又大讚舞台劇精彩，「我阿媽笑得仲大聲過我！」

同場加映：

田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

田蕊妮認曾衝動想同杜汶澤離婚 靠舞台劇提醒要幽默：唔好咁現實【下一頁】

{{hket:inline-image name="KV.jpg"}}{{/hket:inline-image}}

{{hket:inline-image name="_KIT0874.jpg"}}{{/hket:inline-image}}

{{hket:inline-image name="18473e61-aeff-4116-b79b-15b202a02121.jpg"}}{{/hket:inline-image}}

田蕊妮興奮莫名，笑言：「好開心因為佢嚟睇，後台所有工作人員都話TIGER好好，好孝順同媽咪一齊嚟睇！Auntie你好，我好鍾意你個仔呀！」更笑指演出這齣舞台劇的目的已經達成，聽日起的場次可以「罷演」。拍檔林日曦身在日本，即時醋意大發，在IG表示︰「正式宣布妒忌晒所有人。（開始落雨）有條癲喪仔睇咗《妻》DM我話『好好笑！田蕊妮做得好好呀！有田蕊妮做！腦細你以後都唔使返嚟喇』，X街我正式宣布首先妒忌田蕊妮，並決定立即收山唔演唔寫唔導（雨越落越大）第二，今晚有個人嚟咗睇，全場都好似好鍾意佢咁，玩到個心創晒，搞到我謝幕嘅時候，冇人留心聽我講嘢，我正式宣布妒忌埋呢個人（暴雨中）！妒忌嘅力量會好大（用手袖抹去面上不知是雨還是淚）！你哋睇住嚟（轉身跑遠）...」

今日田蕊妮接受《田豪祖3寶》的YouTube Channel訪問，她坦言每晚演出都筋疲力竭，但由於心情太興奮，所以回家後總是忍不住睇社交平台的留言，晚晚凌晨兩、三點先瞓覺。貴花田、曾志豪和王耀祖傾開《勁歌金曲》畫上句號一事，問到田蕊妮時，她笑言：「係呀？我唔知呀，呢排喺個山窿度，咁...TIGER咪冇機會拎『最受歡迎男歌星』囉？」王耀祖立即糾正阿田，笑指TIGER不可能派歌上去《勁歌金曲》。

台灣取消室外口罩令丨田蕊妮呼吸自由空氣口罩變眼罩 杜汶澤感慨抗疫2年：好像快到終點【下一頁】

{{hket:inline-image name="e75bbdd6-6d01-4d6c-bb46-a5c74f44873c.jpg"}}{{/hket:inline-image}}

{{hket:inline-image name="4ebd3dda-c425-4102-bddc-aecdb5578968.jpg"}}{{/hket:inline-image}}

田蕊妮續稱，起初接演此齣喜劇有一定擔心，怕不夠好笑就會尷尬，幸好觀眾們非常投入開心，「估唔到香港觀眾咁癲！我收到好多TIGER粉絲PM我，問我係咪真Fans定劇本要求，嗱！劇本係咁寫，而我又演得好好，見到佢真人之後，真係變咗佢Fans啦！」阿田表示自己平時比較怕醜，有啲行為只有老公，或者認識多年嘅朋面前先會見到，今次就被迫呈現觀眾面前。提到與老公杜汶澤的關係，她坦言分開生活了一段長時間，反而學會珍惜，「我去到台灣幫佢洗碗，照顧到佢，我覺得好開心，冇乜所謂啦，佢啲核突嘢都冇所謂，最緊要係一齊。兩個人相處有距離，『假單身』咗一段時間，就發現有個人喺身邊陪伴係好緊要！」

提到阿澤以往激進的言論得罪多人，作為太太如何自處？田蕊妮：「人係冇完美嘅，一定有稜角，我都有唔好嘅地方，亦有自己美麗嘅地方，唔需要每個人都要成為完美嘅人，我接受佢所有嘅嘢，當然唔係犯法嘅事。人生幾十年好快死，唔會為一句兩句說話而影響關係。佢真係成熟咗，耐性多咗，好開心見到佢變成咁。」

{{hket:inline-image name="346274393_796638848555240_7747902201341158609_n.jpg"}}{{/hket:inline-image}}

{{hket:inline-image name="269814181_452925463061837_6734241040531201075_n.jpg"}}{{/hket:inline-image}}

另外，Tiger今日出席活動，他表示不知道田蕊妮是否真的「入坑」愛上自己，不過昨晚的確非常欣賞對方，一個人完成整個演出，而且演得非常到位，希望將來有機會跟田蕊妮合作，向她偷師演技。提到林日曦表達非常妒忌，Tiger說：「佢話要唱衰我，我期待入場睇埋《夫》嗰部分，睇佢點唱衰我！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組