田蕊妮認曾衝動想同杜汶澤離婚 靠舞台劇提醒要幽默：唔好咁現實

田蕊妮繼前年參演《聖荷西謀殺案》後，5月12日起在演藝學院歌劇院上演傳統舞台獨腳戲《大離婚日——妻》，緊接26日起有林日曦以視像方式演出實驗映畫獨腳戲《大離婚日——夫》；一場夫妻，兩齣舞台劇，以喜劇形式講述「一句衝口而出的離婚，一次離奇的昏迷事故，令二人重新思考婚姻意義」。而在觀眾強勁口碑帶動下，宣布《大離婚日夫/妻》分別於公演之後的7日及10日，再次重演。

{{hket:ul-video id="8209"}}{{/hket:ul-video}}

{{hket:inline-image name="5.jpeg"}}{{/hket:inline-image}}

{{hket:inline-image name="347221030_256057300419894_1769108116657345747_n.jpg"}}{{/hket:inline-image}}

田蕊妮早前接受《晴報》專訪，她早幾個月前開始綵排，說︰「今次係我獨腳戲，係我一個人做晒，我亦會扮演唔同角色，體力消耗好大。第一次綵排，喺日本，我演到中間好肚餓，然後有少少想暈嘅感覺，消耗咗好多體力。返到嚟香港，監製、導演問我有冇特別要求，我話特別要求就係，喺我入去換衫嘅時候，我要房屋有一條蕉！我真係要入去咬兩啖蕉補充體力，先可以再出去做過，開心嘅就係發現自己嘅體力都仲OK！」

台灣環島遊│杜汶澤首次與老婆沙灘拍拖 45歲田蕊妮曬性感泳照致敬林青霞【下一頁】

還記得《大離婚日》公演前，林日曦在社交平台上載改篇歌曲《難得有老公》（原曲︰《難得有情人》）作宣傳，歌詞唱出夫妻們的心聲，歌詞啜核︰「催促我煮lunch」、「洗碗洗到過身」、「痾濕個座厠」、「沖水掣佢又唔撳」，加上MV中田蕊妮自high舞步，真過癮！她說：「我一睇到歌詞，嘩！咁正嘅？行到入錄音室，林日曦話我唱得好好，簡直發自心底嘅感受，歌詞太中喇...洗碗洗到過身喎！」她指老公杜汶澤只會煮飯，她則負責洗碗清潔，問到杜汶澤看過MV後，有沒有絲毫自責感？田蕊妮笑說：「佢淨係覺得好笑，佢點會唔好意思呀？佢覺得歌詞幾好，『 林日曦填詞係有一手㗎喎，啲韻又押得好好』 ，咁咋！」

杜汶澤帶壽星田蕊妮台灣環島遊 10日旅行彌補17年前「遺憾」【下一頁】

{{hket:inline-image name="DSC00650.jpg"}}{{/hket:inline-image}}

對於與杜汶澤的18年的婚姻，田蕊妮曾經試過衝口而出要離婚，「其實我排完呢齣戲之後，唔理係田蕊妮婚姻，或者呢齣獨腳戲入面嘅角色嘅婚姻，又或者陳小姐、梁小姐嘅婚姻，只不過人名唔同，其實婚姻遇到嘅問題都係大同小異！可能係生活上好多唔同諗法，雙方需要空間去協調，要不停要學習。」

杜汶澤宣布戒煙當太太生日禮物 田蕊妮：當然感動啦！【下一頁】

{{hket:inline-image name="9.jpeg"}}{{/hket:inline-image}}

田蕊妮對於婚姻生活感到舒服、開心，她認為要「保鮮」，不能欠缺這東西，「一段婚姻或者關係，可能好多年之後，你同佢都好熟啦，以為好了解嗰個人，其實好多嘢就會變得好現實，可能相處之間失去咗幽默感。你唔再覺得嗰個人有咩好笑，咁多年笑話都係差唔多，可能會厭，咁多年都係咁。呢齣舞台劇就係講衝口而出嘅離婚，老公昏迷咗，女方想盡辦法叫番醒老公，而呢個過程，佢再次經歷婚姻入面一啲場景，佢先醒覺『自己幾時變得咁現實呢』、『點解突然間咁認真呢』...點解做人，做夫妻唔可以幽默啲呢？對我係一次提醒，萬一將來有啲咩事，我都會提醒自己要幽默啲，唔好咁認真，過人世咋嘛！」

{{hket:inline-image name="10.jpeg"}}{{/hket:inline-image}}

撰文：黃曉妍

攝影：黃敬博、何家賢、安嘉橋

化妝：Meegan Seak

髮型：Jude Lam

服裝：HARRISON WONG

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】