一舞傾城︳袁潔儀叫女兒做舞女劇情惹投訴 陳星妤遭獸父強姦被指教壞人

TVB《一舞傾城》今個星期首播，劇情以夜總會為背景，頭兩集有強姦場面，繼蔡潔險被奸角李嘉性侵後，昨晚（16日）又講到陳星妤遭「禽獸繼父」王俊棠非禮兼想，欲再作進一步行時，幸好「大耳窿」剛巧上門追數而未能成事。

同場加映：

中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:inline-image name="2023051701.jpg"}}{{/hket:inline-image}}

{{hket:inline-image name="TVB9568.jpg"}}{{/hket:inline-image}}

對於接連出現這些情節，部分網民大感不滿，走到TVB官網Facebook內留言，表達意見，包括「呢套劇要禁播！一係放喺深夜時間！不知所謂！傷風敗德」、「應該腰斬」、「第一、二集都已經又強奸（姦）又發生性行為，真係唔係咁好，教壞細路」、「《一舞傾城》果然夠爆」；「這幕戲應該禁播啦，雖然未成事，但是對天倫道德敗壞引發起作用，特別是香港人居住環境非常狹窄，令到有些思想超低的人模仿那就不好了」、「電檢處扮盲？黃金時間成日播啲咁嘅情節」及「麻煩改為半夜播。如果，冇劇，就播舊劇」等。

一舞傾城︳52歲顏仟汶做落魄媽媽生入型入格 陳法蓉演霸氣江湖大嫂震攝李嘉【下一頁】

觀眾對《一舞傾城》還有其他不滿，就是飾演陳星妤媽媽的袁潔儀，竟然鼓勵女兒去做舞小姐？該場戲，袁潔儀被王俊棠打傷後，在醫院向陳星妤坦承昔日任職夜總會，說：「其實你老竇死後，我真係走投無路，我有幾年做過舞女…點都好，媽咪都係想提醒你，你仲係女仔嚟㗎，又係靚女，如果真係有心做，你一定搵到錢…但係唔好聽嗰啲男人嘅甜言蜜語。去嗰度玩，有邊個係真心？講啲乜嘢都好，佢哋都係為咗𠱁你上床，所以錢先係最真，靚仔冇本心。（媽，你都贊成我去萬國城？）我都唔知，我都要時間去消化…你記住，你要去做，就要去最大、最旺、最肯使錢嘅場去做，女人嘅青春就係得嗰幾年，你要做嘅話，老虎你都要做最紅嘅一姐！收山之後先搵個知心人，或者買樓收租，咁樣先係醒目女呀…」之後，袁潔儀出院去夜總會見陳法蓉，代陳星妤簽約，踏上舞女之路。

（↓點擊放大睇圖片↓）

網民就以上劇情在TVB官網Facebook內投訴，他們表示：「阿媽做過小姐，下場慘淡，仲鼓勵個女做？其實仲（有）方式生存。簡直教壞細路」、「真係不知所謂劇集，錯晒價值觀，非常影響下一代。媽做小姐，支持個女做小姐？真不知所謂劇集」、「近呢10幾年不停拍古惑仔之類電影，將黑社會美化，而家仲衰到美化埋淫業，香港真係要淪亡」、「真係要向廣管局投訴」及「套劇怪怪哋，好似教啲學生妹做雞咁！講到好好福利」等。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】