夫妻相處需互相體諒，一名全職媽媽因為不喜歡獨處時做家務，故每天都會等丈夫收工回家才掃地洗衫，並要求對方幫忙洗碗及教女兒做功課，結果卻被丈夫抱怨，她遂詢問網民意見：「我算唔算好唔啱？」其做法引來網民幾乎一面倒批評，指她未有體諒丈夫的苦處，又反問她為家庭付出多少。
同場加映：
管家王｜2孩媽媽投身寄養家庭幫人湊B 盼溫暖無依孩子一生
該名港媽在「親子王國」討論區發文，指與丈夫育有一名九歲的女兒，丈夫是經濟支柱，而她則是全職媽媽。她表示雖然知道丈夫工作壓力大，但自己向來不喜歡獨處時做家務，往往都是等晚上9時丈夫收工回家後，著對方洗碗及教女兒做功課和溫習，此時她才趁機掃地、抹地及洗衫。
由於太夜做家務，有時會被對方埋怨：「有時會怪我咁夜先拖地阻住佢行...咁夜洗衫嘈住佢瞓！」故此她反思自己的做法是否有問題，
「請問有冇人好似我咁，我算唔算好唔啱？」
網民：你比在職媽媽幸福
其帖文引起網民熱議，許多人批評事主做法，既然她明白丈夫工作辛苦，就不應該要求對方洗碗及照料女兒學業，又反問她是否有為家庭付出？「一個人的體力係有限，我覺得要體諒吓佢」、「老公返咗工，細路返咗學，你一個人喺屋企又唔做家務，咁你喺度做咩」、「你比其他在職媽媽幸福得多，你問心自己為頭家付出過啲咩」，聲討之聲此起彼落。
- {{hket:inline-image name="9.jpeg"}}{{/hket:inline-image}}
- {{hket:inline-image name="8.jpeg"}}{{/hket:inline-image}}
- {{hket:inline-image name="7.jpeg"}}{{/hket:inline-image}}
- {{hket:inline-image name="6.jpeg"}}{{/hket:inline-image}}
- {{hket:inline-image name="5.jpeg"}}{{/hket:inline-image}}
- {{hket:inline-image name="4.jpeg"}}{{/hket:inline-image}}
- {{hket:inline-image name="3.jpeg"}}{{/hket:inline-image}}
- {{hket:inline-image name="2.jpeg"}}{{/hket:inline-image}}
- {{hket:inline-image name="1.jpeg"}}{{/hket:inline-image}}
港媽辯解曾受不公對待
事主後來回應指，女兒上學後她都在玩手機，間中會做運動，有時接女兒放學或送去補習時，就會順道買餸。她澄清自己亦會教女兒做功課及溫書，並不擅長英文和數學，所以只好由丈夫教；同時，女兒做功課速度太慢，所以經常拖到晚上才檢查功課，而自己又要抽時間煮飯，
「我諗我有啲心理唔平衡，我成日覺得點解我要做家務佢唔使！」
她又回想分娩後，夫家從未幫忙照顧女兒，「成日話唔適宜照顧...因為佢媽媽腳做過手術，行動不便，又經常要出入醫院，身體機能退化現象；又話佢爸爸中過風，雖然身體行得，但三高，其中一隻眼喪失一半視力...」故女兒一歲前都由她和其母親照顧。
事主續稱，當時怕嬰兒哭聲騷擾丈夫休息，故與他分床睡。也漸漸覺得對方毫無付出，甚至自覺有抑鬱問題，「每晚女兒有甚麼事都是我照顧！我都冇得放假！佢根本冇感受過湊初生小朋友頭幾年的辛苦。女兒細，我湊佢嘅時候，真係有諗過同女兒攬住一齊離開！」
她指以往受過夫家不公平對待，例如十年前不幸小產，出院後丈夫的兄長要她「煮飯濕凍水」；女兒出生三個月後，老爺奶奶又逼她一年內再懷孕，「我剖腹分娩，一年內不宜再懷孕」，夫家根本是強人所難，「他們都唔理，又話乜嘢明星都係咁樣。我老公都冇幫口，我十分嬲！」
網民憂情緒受困勸求醫
儘管事主重提往事大吐苦水，其他網民認為兩者並無關係，既然事主對現況不滿，倒不如考慮重返職場，稱︰「包你冇時間再思考全職媽媽的人生意義！」有人則擔心事主有情緒問題，勸她盡早求醫，「如果你真係有抑鬱，情緒受到困擾，咁請你睇醫生，唔好傷害自己傷害小朋友。」
U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載】