駐港總領事館支持 美麗華推法國深度遊

港人最愛旅行同美食，黛安都唔例外，最近美麗華旅遊與法國旅遊發展署、法國航空及The Mira Hotel合作，請咗法國總統私人美食顧問代表Guillaume Gomez來港，推動中法飲食文化交流。另外，喺法國駐香港總領事館支持下，佢哋仲會推出「法國12天深度之旅」，行程共有兩款，包括法國11/12天「世界遺產」深度之旅及法國12天「古堡美食醇酒」深度之旅，團費分別為$17,999起（網上價）及$23,999起（網上價），帶大家參觀世界遺產，品嘗法式料理。

美麗華旅遊總經理李振庭話，「除咗港人熟悉嘅巴黎外，法國其實有很多地方都值得遊覽，如法國酒鄉波爾多、蠔鄉阿卡雄灣、普羅旺斯薰衣草花田等。希望透過法國深度之旅，客人可用心欣賞法國之美。」