拉闊音樂會 ︳AK拒評論泥鯭寸姜濤「表白」言論：大家唔需要太Focus呢件事

由江爗生（AK）、陳蕾（豹哥）、陳卓賢（Ian）合作的拉闊音樂會昨晚假亞洲國際博覽館舉行，全晚最熾熱是三人跳唱《RUMOURS》和《REBOUND》，期間豹哥問MIRROR是否可加第13位成員？Ian說：「唔使！直接踢走AK就得。」AK即時反擊說：「我假假哋都係副隊長，係都踢你先。」Ian即問台下的Lokman是否踢AK，而Lokman就點頭，搞到AK笑說：「你哋睇騷咁多事嘅？」

同場加映：大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="DSC_6273.JPG"}}{{/hket:inline-image}}

{{hket:inline-image name="DSC_5646.JPG"}}{{/hket:inline-image}}

三人又分別講出跟對方合作的感覺，AK讚豹哥唱歌好聽，能一起研究動漫很開心；Ian則大讚豹哥好人，請他吃很多東西，又搞笑指有日看到豹哥身穿全紫色造型來綵排時，感覺似滑嘟嘟去見工，令全場爆笑。完騷後三人一同受訪，豹哥笑稱面對MIRROR只能夠日夜練舞，而她跳舞時台下反應甚好，被指可以成為MIRROR第13位成員，Ian即表示落台後也問了Lokman，對方首肯他可以踢走AK，AK就笑言每次唱《RUMOURS》時豹哥可以頂上。AK早前在Chill Club頒獎禮跳唱時扭傷腳，他解釋當日因為換鞋的時間太快，穿得不太好，跳舞時不慎屈了一下，奈何頒獎禮後太忙而無暇睇醫生，不過現在已經沒大礙，「依家冇咁痛，今日（昨日）都活動自如，仲喺後台跑。」

{{hket:inline-image name="DSC_5967.JPG"}}{{/hket:inline-image}}

{{hket:inline-image name="DSC_6447.JPG"}}{{/hket:inline-image}}

提到Alton最近被浪浪義工嘲諷處理屍體時非常「騰雞」，又遭到故意為難，AK指不便評論太多，因為這是他跟義工團體的事情：「佢冇同我講起呢件事，我諗佢都冇乜擺喺心上，始終佢拍嘢嘅時候都係盡力做好佢嘅本分，配合節目組嘅安排，至於之後啲人點樣講佢，Alton都控制唔到。」

{{hket:inline-image name="DSC_6119.JPG"}}{{/hket:inline-image}}

{{hket:inline-image name="DSC_6479.JPG"}}{{/hket:inline-image}}

談到早前RubberBand成員泥鯭在網上寸姜濤在頒獎禮向隊友逐一「表白」的說話，AK指每個人也有權利發表感受，「嗰個係佢（姜濤）嘅moment，佢對住我哋講咗啲佢想講嘅心底說話，現場我哋係收到嘅，當然我哋都唔知道會唔會影響到其他人，如果喺流程上阻到其他人，我哋都要講聲唔好意思。」不過他指泥鯭對姜濤的評論自己不方便回答，也不會發表新的解釋；提到泥鯭已經道歉，AK認為RubberBand道歉有點嚴重，大家只是發表意見，當然有人覺得可能有點激進：「泥鯭前輩都係覺得姜濤喺呢個場合講，可能唔係幾適合，可能佢想畀一個更加好嘅意見姜濤先會咁講，大家唔需要太Focus呢件事，頒獎禮都過咗，嚟緊大家都會做自己嘅歌，希望下一年嘅頒獎禮再做好啲，每次有機會上台講嘢希望講得再好啲同埋善用時間。」

{{hket:inline-image name="DSC_6527.JPG"}}{{/hket:inline-image}}

{{hket:inline-image name="101.jpg"}}{{/hket:inline-image}}

撰文：倪小珊
採訪：黃寶蓮
攝影：林良明