PET PET星丨徐忠信離世後愛犬失主人日日喊 女兒代入豆豆分享催淚思念之情

武打演員徐忠信（大師兄）去年11月不幸因病離世，演藝界痛失武打動作界的大前輩大表可惜之餘，家人都相當不捨。近日網上有狗狗群組出現有關大師兄愛犬豆豆的貼文，內文寫出豆豆對爸爸的思念，不少網友大為感動。《晴報》查證之下，原來貼文者Yumi是大師兄的女兒，她接受訪問時表示17歲的愛犬豆豆在爸爸離世後曾經日日喊，非常不捨。

同場加映：大離婚日丨田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

徐忠信今日突然離世終年70歲 心臟問題須長期服藥 做戲奸角深入民心【下一頁】

{{hket:inline-image name="facebook2022110412_600.jpg"}}{{/hket:inline-image}}

{{hket:inline-image name="f548d216-97fd-4559-a990-3eb54842f667.JPG"}}{{/hket:inline-image}}

{{hket:inline-image name="da82f292-6e66-468e-b9b6-21569f373bf5.jpg"}}{{/hket:inline-image}}

{{hket:inline-image name="22ecd60e-204d-4231-b9b2-d2993a806d55.jpg"}}{{/hket:inline-image}}

Yumi撰文內容如下：「豆豆我好掛住奴才爸爸呀，我兩歲前被前主人虐待得好犀利，奴才爸爸知道後，收留我，本來幫我沖完涼食餐好嘅就送走我，但爸爸見我剪完毛後覺得我好型，就養我到而家17歲，結果爸爸喺上年11月頭過咗身，3月奴才同奴才媽媽同我搬新屋後，雖然日日有街街去，好開心，但我無再出過聲，我見唔到爸爸，日日去街街，都會周圍望，睇吓望唔望到爸爸返屋企，奴才同奴才媽媽都好掛住佢啊。我日日都會望每個男人，睇吓係唔係爸爸，結果個個都唔係，奴才都無同我講爸爸去咗邊。」

Yumi接受訪問，她憶述爸爸徐忠信收養豆豆的過程，「當時我媽媽同朋友食飯傾偈，得知豆豆被前主人虐打、困喺一個好細嘅鐵籠入面係村屋嘅外面日囇雨淋，爸爸聽到後覺得好肉赤，好記得嗰日係3號風球，我爸爸都要揸車去接豆豆。豆豆最初去到我哋屋企，只要攞起棍狀嘅物件（如遙控掣、不求人⋯⋯等）同有人到訪都會大叫同失禁。爸爸會一直安撫佢，帶佢去行街見多啲外面嘅世界，畀豆豆喺床上面一齊瞓，又買玩具畀豆豆玩。」她表示徐忠信生前養過三隻狗仔，但豆豆身世比較慘，「我哋一家人去街，只要可以帶狗嘅地方大師兄都一定會帶埋狗仔去，大師兄一直都好鍾意動物，尤其係狗仔。」爸爸離世後，Yumi指豆豆都有感受：「大師兄過身到3月，只要我同徐太行開，豆豆都係喊，係樓上鄰居講。而且個樣成日都無咩心機咁，好似等緊爸爸返嚟，因為爸爸同徐太都係佢救命恩人。」

後輩哀悼︳徐忠信2016年獲頒另類好戲王 心地善良：希望各位觀眾記得我【下一頁】

{{hket:inline-image name="A_600.png"}}{{/hket:inline-image}}

Yumi透露現時豆豆雖然17歲，不過食得、瞓得、行得、跑得，身體非常之好。「而家係有少少老人病，隻腳仔有時冇咩力，耳仔有少少聾聾哋，對眼白白哋，其他一切都好好。」豆豆，爸爸喺天上面睇住你呀，記得要玩得開心快樂，健康活潑，呢個一定係爸爸最大心願！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組