不可能任務︳黎諾懿挑戰55日搞大型慈善騷 戴祖儀開工遲到被鬧厚顏無恥

新一季《不可能任務》將於周日（14日）首播，當中「電視幕後製作挑戰」的任務，將會由升呢監製的黎諾懿帶領「導演」賴慰玲，「資料撰稿」戴祖儀、李芷晴及梁超怡，「助理編導」關楓馨、程浩駿及周百恩，一行八人轉戰幕後，於55日內一手一腳「由零開始」挑戰製作大型直播慈善騷。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

{{hket:inline-image name="TVB03.jpg"}}{{/hket:inline-image}}

{{hket:inline-image name="TVB17.jpg"}}{{/hket:inline-image}}

黎諾懿曾經擔任過不少主持工作，拍檔賴慰玲亦曾擔任舞台劇導演，而大型直播慈善騷的幕後工作牽涉到︰前期節目構思、資料搜集、場景設計、寫稿、外景拍攝到後期製作等，範疇甚廣，今次交由這班藝人兵團一腳踢，「不可能指數」高企。黎諾懿一頭煙，大嘆︰「真係覺得我有好多嘢唔知同唔識，酒會、記者會、停車場，安排啲咩人嚟表演...原來全部都係我去book，我未有信心book到佢哋要求嘅人。」

《不可能任務》｜41歲譚俊彥挑戰特警遴選體驗 地獄式體能鍛煉得一人接近達標【下一頁】

賴慰玲爭取時間到其他大型慈善騷踩場攞料，但要一下子了解及吸收大量資訊，令她大感「消化唔嚟」，慨嘆：「之前唔了解導演工作，所以好想試吓，但原來啲嘢唔係撳個掣就有。」

（↓點擊放大睇圖片↓）

黎諾懿第一日開工已大感頭痛，以監製身分跟戴祖儀、李芷晴外出搜集資料時，就要面對組員遲到問題，李芷晴到埗後有點慌失失，她說出遲到理由，竟然得到黎諾懿安慰，但遲到足足47分鐘的戴祖儀，抵達時不但零悔意，還嬉皮笑臉，大條道理為自己解釋，激到黎諾懿氣頂表示：「戴祖儀四個字，厚顏無恥！」要知道戴祖儀如何強詞奪理？就要留意周日（14日）節目播出。

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】