不可能任務︳錢嘉樂爆最初想搵林沚羿做學員 笑林迪安「代女從軍」做導師

由錢嘉樂、林迪安擔任導師的真人騷節目《不可能任務》，聯同幾位經驗豐富的龍虎武師，訓練學員張振朗、戴祖儀、孔德賢及何慈茵等8人，如何成為一位動作特技演員。

上星期播出頭兩集，戴祖儀表現最不濟，筋骨明顯太生硬，結果練習跳躍翻騰動作時出事，跨欄落梯級時踩錯位，拗柴受傷，當場被導師們勒令退下休息；席間林迪安爆Seed講「點解講極你哋都唔聽同唔明」，故外間封他為「魔鬼教練」！軟硬兼施的林迪安上前安慰戴祖儀時，她忍不住慚愧爆喊，終於明白他的惡，是出於緊張與擔心學員們的安全。

同場加映：鐵拳英雄丨鄭世豪等足廿年終成正劇男配角 全心全意做演員：艱辛但美滿

{{hket:ul-video id="5277"}}{{/hket:ul-video}}

{{hket:inline-image name="02182010.jpg"}}{{/hket:inline-image}}

{{hket:inline-image name="02182009.jpg"}}{{/hket:inline-image}}

林迪安同錢嘉樂接受無綫訪問，對於在節目內表現激動，林迪安解釋：「有時受傷係可以避免，就等如出街嗰集咁，你要專注！專注！唔可以有1、2秒鬆散，尤其係你做緊動作，做我哋呢行（龍虎武師）就係咁。佢哋要深深體會當你有1秒鐘鬆散、唔集中就會受傷！點解我咁忟呢？係真情流露嘅忟，我講咁多次要注意呢一度嗰一度，就係得一個地方會有機會受傷，就係呢個地方大家要小心呀！但最後呢？都係發生咗（受傷事件），呢樣嘢係自己比較自責嘅。」

不可能任務丨戴祖儀杜穎珊未達標可憐爆喊 魔鬼教練林迪安鐵漢柔情勁錫聲夢囡囡【下一頁】

至於女學員受傷會否較為感心疼？錢嘉樂說：「其實我哋呢個行業係咁樣，成日提住佢哋，全部人唔可以有幾秒鐘分心，受傷唔係講幾秒鐘嘅事，而係之後完唔完成到呢個任務，都係我哋做龍虎武師一定要有嘅基本認知。」

聲夢傳奇│20歲林沚羿被李克勤狠批終遭淘汰 星二代沒靠父蔭屢次赴韓敲門不果【下一頁】

「魔鬼教練」林迪安在現實中是一位慈父，女兒就是剛剛進入娛樂圈、《聲夢傳奇》學員林沚羿（Venus），原來錢嘉樂初期想過搵Venus參加《不可能任務》，他說：「當時仲未邀請林迪安參與節目，我見完（Venus）覺得唔係好適合，之後先至邀請佢爸爸。林迪安清楚成件事嘅來龍去脈，仲話『吓！你唔搵我個女』，我就解釋一輪啦，話要保護新人，跟住林迪安就話『等我嚟啦』，佢呢次係代女從軍。」

林迪安笑言女兒若果參與《不可能任務》，在現場分分鐘反過來教他。錢嘉樂搶著說︰「Venus在場嘅話，會有反差，其他人林迪安就鬧得好厲害，自己個女就呵護備至，會話『你唔使打嘞！休息一下』……」林迪安澄清︰「私底下我都勁鬧個女……我覺得佢要汲收多啲經驗，等如我哋今次同8個小朋友共事，真係要虛心去學，唔好我講嘢時你就玩手機，呢啲陋習……而家好多小朋友都係咁！」

（↓點擊圖片放大↓）

此外，戴祖儀在IG分享同林迪安合照，並交代右腳的傷勢，透露暫時未可以跑跑跳跳，但行路順暢，康復情況良好，對於「魔鬼教練」林迪安，她由衷表示︰「好多謝有咁多人錫我，見有觀眾覺得我受傷嘅時候，林導演嘅語氣可能重咗少少。其實林導演係一個好好嘅指導、好好嘅導演，佢唔希望有人受傷，所以嗰一下係愛之心責之切。佢嗰時唔算惡，而係好痛心……佢亦喺拍攝期間分享當年做替身時嘅經歷，當時嘅安全措施比而家少好多好多，動作都危險好多，所以經常受傷，成日入醫院。林導演就係因為明白受傷嗰種痛苦、唔好受，佢先更加緊張，更加希望大家唔好受不必要嘅傷。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="af67c90a-3b52-4522-9e3d-e5d0b6987ef3_600.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc_600.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d_600.jpg"}}{{/hket:inline-image}}