野外步出3玩野加大馬︳方紹聰挑戰攀登海拔1200米劍峰 胡敏芝遭紅火蟻咬：針拮咁痛

由方紹聰（奶仔）身兼監製及主持的《野外步出3玩野加大馬》，今（10日）、明兩集聯同J2er胡敏芝（Karen），探索馬來西亞四大天然洞穴之一的風洞及清水洞，同時挑戰海拔1,200米的「劍峰」。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

{{hket:inline-image name="TVB01.jpg"}}{{/hket:inline-image}}

{{hket:inline-image name="TVB13a.jpg"}}{{/hket:inline-image}}

據當地領隊透露，這次是第一支香港攝製隊挑戰劍峰，攀登拍攝。劍峰又名尖峰石林，位於火焰山上，雖然高度不及有「神山」之稱的京那巴魯山，卻又更難攀爬，並以山頂有如劍峰般一片片的石灰岩馳名。由於攀登劍峰路途崎嶇險要，奶仔等人全程需由合資格教練同行，登峰前更必須上堂受訓確保安全。

野外步出3玩野加大馬︳張慧儀被尖銳問題搞到眼濕濕 同方紹聰緣於《丫鬟大聯盟》【下一頁】

奶仔指最後衝刺階段令人步步驚心，猶有餘悸稱︰「最後200米嘅嗰條高梯，真係每一下都同死神搏鬥！因為條梯好直好難爬，同埋只要鬆手或者跣一跣，就會跌落下面嘅尖石間...相當危險。教練都話嗰座山曾經有唔少挑戰者遭遇不幸，所以我哋唔係成隊攝製隊上晒去，而係量力而為。」Karen是隊中體能較弱的，於1,000米高度時決定放棄，奶仔認為她已是超額完成，「我哋成條Team都感受到佢係幾咁熱血！佢中途不斷受傷，係咁畀嘢咬，行唔夠幾百米又喘晒氣...佢依然好堅毅咁捱到去，去到自己嘅極限，全程仲要冇乜怨言，淨係講咗句『好憎奶仔』！好值得欣賞。」

（↓點擊放大睇圖片↓）

Karen因為腳力不足，要手腳並用攀山，嚴重拖慢進度，途中亦不慎跣倒，整個人跌坐在石頭上，痛至「面容扭曲」。Karen坦言拍攝期間不斷自我質疑，十分感謝奶仔沿路上貼心照料，她說︰「奶仔除咗幫我孭嘢減輕我負擔，有段路佢仲喺落超級大雨嘅情況下，以極速孭住我行石路同埋過橋，好感動。（行完劍峰有冇後遺症？）對腳...好多地方都刮親同瘀咗，同埋我畀水蛭咬咗心口一啖！去到差唔多山頂又畀紅火蟻咬，好似針拮咁痛，啲疤痕成個月都仲喺度呀！」

撰文：娛樂組

圖片：大會提供

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】