食腦綜藝︳何廣沛被爆私藏成人網站VIP會籍 奶仔方紹聰：佢仲話係特價先買

由何廣沛、郭子豪及奶仔（方紹聰）合力營運的「食腦」頻道，趁年尾來個小總結︰三人進行「默契大考驗」，測試他們對拍擋的了解有幾多、友情有幾深厚，但中途卻變成爆料環節，奶仔揭穿何廣沛擁有成人網站VIP會藉時，尷尬得雙耳通紅，不懂得作出反應，惹來現場笑聲不絕。

{{hket:inline-image name="12312004.jpg"}}{{/hket:inline-image}}

{{hket:inline-image name="12312001.jpg"}}{{/hket:inline-image}}

同場加映：傳無綫 x 港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

這次大考驗總共問20條問題，只要他們答案一致即過關，答對10條就免受大懲罰。話說其中一條問到郭子豪最鍾意睇的AV片種，有校園、辦公室及列車供他們選擇，奶仔揀了校園，他解說：「點解我揀A？因為Amber（郭子豪女友鄧卓殷）似學生妹……」何廣沛眼神蠱惑，作出補充：「其實你明唔明？你想睇AV係想睇一啲你冇嘅嘢。」誰料奶仔轉頭卻爆料講何廣沛，「講起AV，阿廣話佢喺美國時候，加入咗一個好出名嘅網站，做咗VIP，但係最嬲係咩呢？佢有分享畀我，我亦有諗住睇，點知有日話唔使睇，話（網站）畀人入侵咗……係唔係？佢仲話係嗰時特價先買……其實想問VIP係咪多啲嘢睇？」只見何廣沛雙耳通紅，一臉勁尷尬，傻笑望住奶仔，場面相當搞笑。

食腦頻道｜孖何廣沛郭子豪拍片惡搞無綫劇 方紹聰：係致敬番公司嘅劇集【下一頁】

三人也有感性的一面，首先講出何廣沛今年的一個遺憾，郭子豪、奶仔竟然覺得他們拖累了何廣沛的事業，郭子豪說：「好明顯佢原本專注拍劇，作為佢兄弟，感覺似識咗我同奶仔之後，係多咗綜藝工作，有少少感覺我係咪拖垮咗佢？令佢少咗拍劇機會……」奶仔亦誠懇表示：「我喺戲劇組屬於一個好極端嘅人，有時好驚何廣沛畀人覺得佢同奶仔friend，會唔會令佢減少機會演出？講真有啲擔心。（因為損友形象影響到何廣沛？）現實係好現實，可能……唔知會唔會，原本有4套劇，但因為識奶仔而得番2套劇。（不覺得這角度有點膚淺？）我唔希望因為任何一個可能性影響到佢事業！」

（↓點擊放大睇圖片↓）

何廣沛最後講出心底話，「好難得有兩位兄弟肯同你一齊打拼，係唔容易，相見好同住難，搞呢條頻道一定會有磨擦、爭吵；好在我哋個心係一致，一齊向目標進發，所以大家就算點鬧都好，其實都係為件事好。應該要多謝佢哋兩個，大家可以同步去行。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}