蔡嘉欣被指整容變「女版黃建東」 解釋因前一晚食呢樣嘢致水腫？

蔡嘉欣（Kayan）在未參加《香港小姐競選》前已經係有名有姓嘅KOL，現時有14.5萬嘅followers，人氣高企。Kayan人紅同時是非多，不時分享個人生活都被指炫富，近日佢上載男友為佢慶生嘅合照時更被指整容，話題真係冇停過。

同場加映： 

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

日前Kayan與男朋友食飯慶生，大方分享sweet爆合照，佢於帖文中留言大放閃光彈：「From my 23 to 29 ! Oh still you」，已為人妻嘅姊妹陳詩欣就留言：「快啲結婚啦！」不過唔少網民都focus咗喺佢個樣上面，話佢明顯同以前唔同晒樣，紛紛湧入留言：「第一眼以為係黃建東，成個樣變左第二個人咁」、「係咪去左韓國執過嚟」、「整到兩個樣」、「係咪微整咗呀」、「個樣好明顯唔同咗」、「第2張相我直頭唔知係邊個」。

{{hket:inline-image name="3cb49c98c0dde96f9177ad5dce0fa547.jpg"}}{{/hket:inline-image}}

不過Kayan就好快跳出嚟，塊面繃緊只係因為水腫，佢解釋：「係呀！昨晚凌晨2點食咗成碗酸辣粉，所以今朝起身腫左一個圈。」有網民唔收貨，窮追猛打，「你係當大家冇食過酸辣粉定當大家白癡？不如睇晒佢所有YouTube啲片幾大分別先講嘢」、「你自己嘅事鍾意點講都得，甚至搵埋朋友仔幫你澄清。我哋信唔信你就控制唔到了」；都有人力撐Kayan，留言︰「人哋IG story都出晒相，仲要講人整容？你唔係冇食過酸辣粉！你係冇朋友同你講你腫到豬頭咁呀」、「 認真答，夜晚食重口味嘢的確會水腫」。Kayan冇將批評上心，表示：「大家咩事咁認真？ 如果唔信係唔緊要，你可以當我啲皮膚能屈能伸都OK！」

Kayan加入TVB後擔任《流行都市》主持，曾經坦言主要收入來源唔係來自TVB，一向有做生意嘅佢近年更見富貴，時不時騷名牌手袋，2018年24歲嘅佢入行前已成功置業，買了屯門一個400多呎的單位。

撰文︰娛樂組

圖片來源：Instagram