衛詩雅與死神擦身而過嚇到講英文 目擊恐怖車禍兩車切線相撞

香港交通繁忙，意外時常有發生，唔少車主都有安裝車cam，令到好多時意外發生嘅情況都被紀錄低。日前有一條兩車切線相撞嘅片段於網上流傳，而今次嘅片主係衛詩雅，佢再次提起都猶有餘悸。

同場加映： 法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

車cam片段好多時都捕捉到意外發生一刻，除咗可以重組真相之外，仲可以有警世作用，提醒司機小心免犯同樣錯誤。日前衛詩雅於社交平台上傳一條車cam片，片中嘅佢正喺高速公路上駕車行駛，前面分別有一架Tesla同貨車。片中貨車突然向左切線，Tesla約一秒後又向右切線，兩車炒埋一碟，Tesla被貨車推前至少十米，不斷冒煙，情況可怕。

{{hket:inline-image name="2.jpg"}}{{/hket:inline-image}}

衛詩雅留言：「前排揸車目擊一單嚴重交通意外⋯⋯真係嚇死我」，並hashtag大家「#大家小心駕駛 #原來我遇到危險係會講英文 #開聲睇」，事關她在目擊事故的時候，她驚訝地說：「好驚呀，Oh My God」，而佢嘅好朋友陳家樂都忍唔住留言：「真係好恐怖。」唔少網民都戥佢牙煙，話佢冇事真係好幸運，留言：「真係要還神」、「好險！平安保重！」、「生死一瞬間，好近。」

其實衛詩雅之前都曾經發生過關於車嘅小意外，今年3月佢post出自己愛車車頭罩裂開嘅片段，佢留言：「今日殺青好開心呀....點知....樂極生悲」，佢表示自己冇受傷但好肉痛，原來佢愛車畀5點5噸貨車尾板「劏開」，不過佢就補充係因為自己「發雞盲」撞到。唔少網民見到都話最緊要係人冇事，仲留言笑佢駕駛技術唔得：「你唔好揸車啦，為自己好，為架車好，為別人好，你call車啦。」

圖片來源：Instagram