《12怪盜》｜MIRROR直認戲份唔平均有主次之分 AK搞笑叫鏡粉攞定計時器入戲院

人氣男團MIRROR今日到東涌出席電影《12怪盜》開鏡拜神儀式，12子首次登上大銀幕飾演擁有獨特技能的神偷，隊長楊樂文（Lokman）直言隊友合作期間少不免有磨擦，但僅限於言語上互窒搞氣氛，未有損害各人感情，惟他承認戲份長短確實有主次之分。

同場加映：法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

{{hket:inline-image name="DSC_0914.JPG"}}{{/hket:inline-image}}

{{hket:inline-image name="DSC_0877.JPG"}}{{/hket:inline-image}}

MIRROR今日身穿全黑戲服現身，他們透露為電影已開工一段時間，共拍了十多組戲，預計拍到六月才煞科。問他們那位打戲最甘？Lokman表示各人均有文戲和打戲，事前亦專程往學習基本功及指定動作。對於該片女主角欠奉，他們笑言：「12個度故事已經好難，再加埋女主角就更加難，驚導演寫唔到劇本。」身旁的呂爵安（Edan）即搞爛gag：「我係女主角，因為我姓呂；阿Jer（柳應廷）拍得最甘，因為佢染咗金頭髮。」

{{hket:inline-image name="DSC_0685.JPG"}}{{/hket:inline-image}}

{{hket:inline-image name="DSC_0894.JPG"}}{{/hket:inline-image}}

問到各人拍戲期間可有鬧交？Lokman表示：「鬧交就無，磨擦呢啲就一定有，但都係你窒吓我，我窒吓你，唔會傷感情。（今次戲份好平均？）我話係就呃你，一定有主有次，如果大家想知就要入場睇戲。」副隊長江𤒹生（AK）亦附和說：「歡迎大家攞個計時器入去計，計一次唔夠就買多幾次飛，睇多幾次，計多幾次。（粉絲覺得時間唔平均會唔滿意？）好難㗎，又唔係數學題，好難除得盡，總之成件事最緊要出嚟舒服同帶出個訊息。」

{{hket:inline-image name="DSC_0784.JPG"}}{{/hket:inline-image}}

{{hket:inline-image name="DSC_0731.JPG"}}{{/hket:inline-image}}

MIRROR去年7月的紅館演唱會發生嚴重事故，巨型屏幕墜下擊中兩名舞蹈員李啟言（阿Mo）和張梓峯，演唱會即時煞停，主辦單位MakerVille昨日宣布將於明年一月於亞博補場，鏡仔表示身心已經準備好再登上舞台，近日亦已經開始籌備工作，並透露演唱會會有新舊元素。對於場地由紅館轉移到亞博，有粉絲擔心坐位有落差，Lokman揚言此刻他們只會專注舞台表演和排舞，亦會先處理好換飛和退飛安排，其他則交由公司處理。

{{hket:inline-image name="DSC_0774.JPG"}}{{/hket:inline-image}}

至於今次可有足夠時間排練？Lokman直指時間充足，隨即拉開話題，表示想主力談電影，再問到會否加強機關檢查？Lokman表示：「仲係好前期研究緊.....《12怪盜》有機關㗎，仲要我最拿手，我負責解鎖，所有機關嘢問我啦！」姜濤日前生日，粉絲迫爆銅鑼灣為其慶祝，但有網民斥「姜糖」阻街，對此姜濤表示：「多謝粉絲送上生日祝福，自己都好開心，但希望每次慶祝都唔好影響其他人。」

{{hket:inline-image name="DSC_0832.JPG"}}{{/hket:inline-image}}

另外，網民趁邱士縉（Stanley）與女友拍拖六周年向其催婚？Stanley表示：「網民催啫，依家穩定發展，工作為先，要更加努力做嘢，畀最好條件對方。」

撰文：倪小珊

採訪：黃寶蓮