張繼聰帶16歲仔健身被網友質疑 感謝育兒管理隊關心：我緊張過你

張繼聰大仔張瞻轉眼已經16歲，近日他與爸爸一同健身，享受父子相處的時光。張繼聰亦在IG po出一張與囝囝一同健身的相片，留言：「終於肯跟老竇做吓Gym！」

同場加映：聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

在相中可見，張瞻身處家中大屋做Gym，張繼聰po出兒子的背影照，「出嚟威點可以冇架生？啱唔啱先？第日大隻咗去🪩💃🏻（蒲）….記得帶埋我去見識。」不少人都好羨慕張瞻可以跟爸爸一齊做gym，岑珈其更留言：「我都想跟你做。」而有些網友更指：「好快就會fit過老豆，啲女畀阿仔溝晒」、「兩父子拍住上」、「記住教佢震胸肌」、「期待父子齊影腹肌照」、「同個仔一齊操嘢感覺真係好正」、「如果我有咁好嘅爸爸就好」。

{{hket:inline-image name="273275005_323904626352753_7751542771780242773_n.jpg"}}{{/hket:inline-image}}

不過亦有網友質疑張繼聰帶個仔健身，而張繼聰亦有特意回應：「每次有關於小朋友嘅post，都一定會有『育兒管理隊』嘅朋友留言。多謝大家關心！作為父親，佢哋係我嘅小朋友，我一定緊張過你。Anyways，做健身係有唔同程度嘅訓練同質量，會唔會影響小朋友發育，網上有無數嘅資料，可以自己睇睇。而年輕人做適量嘅重量訓練，確保姿勢正確，係絕對有助成長。」高EQ回應獲網友力撐。

張繼聰囡囡生日因爸爸冇影狂喊 開工廿個鐘後睇慶祝片：肉都赤埋【下一頁】

撰文：娛樂組