鄭浩南老婆走佬人財兩空 急促憔悴消瘦親民合照

現年58歲嘅鄭浩南同馬來西亞籍太太鮑愛玲（Elyn）結婚20年，但去年底佢自爆老婆走佬，更暗示對方有第三者，而佢嘅物業都係喺太太名下，可謂人財兩空。相隔半年有網民「野生捕獲」鄭浩南，相中見到佢憔悴咗好多，令人不勝唏噓。

同場加映：  馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

{{hket:inline-image name="3a940f0d95b3f75768c168918371cdc7.jpg"}}{{/hket:inline-image}}

早前有網民先後post出同鄭浩南合照，其中一位網民於珠海一間平民麵店捕獲鄭浩南。當日氣溫近30度，但鄭浩南仍然keep住形象，著全套藍色西裝，唔着襪着上黑色皮鞋，唔講以為係普通人，非常融入內地。鄭浩南接受老闆請求合照，親民嘅佢笑得好燦爛，但就更顯臉上皺紋，臉頰凹陷得憔悴。另一位網友偶遇合照入面，鄭浩南身穿深藍色長袖Tee、格仔短褲加黑皮帶，再配上藍色短襪仔，呢身打扮真係「我有我態度」呀！

鄭浩南於馬來西亞認識第二任太太鮑愛玲，二人於2002年完婚並定居馬拉，育有一子一女。去年9月中鄭浩南出席電影《壹獄II 劫數難逃》煞科宴時，自爆疫情期間，有長達16個月在內地工作，直到去年12月中終於買到機票返馬來西亞，興高采烈通知太太卻反遭收線：「到我返到去已經人去樓空，佢叫我有乜就同佢律師講。」鄭浩南更暗指自己戴綠帽。鄭浩南在當地的物業都寫上家人名字，現時只剩下一間祖屋。

圖片來源：微博

撰文：娛樂組