正在閱讀
Title

麥當勞馬拉松闊別5年再聚姜濤現身打氣

港聞

發佈時間: 2023/04/24

前日舉行嘅「麥當勞兒童愛心馬拉松2023」，有近6,000名大小健兒喺闊別5年後再度聚首，「童」心參與盛事！黛安知道，身為香港麥當勞叔叔之家慈善大使嘅MIRROR成員姜濤，都有現身為病童及其家人送上支持和祝福。

公關姊妹話，第二個「香港麥當勞叔叔之家」將於今年底投入服務，今次慈善跑都期望為第二家舍籌得更多善款，為更多病童家庭喺治療路上護航。今年活動踏入第14屆，高達6,000人參與，香港麥當勞亦喺去年透過唔同籌款活動為「麥當勞叔叔之家慈善基金」籌得逾530萬元，麥當勞喺未來亦會繼續為病童家庭「麥麥」打氣。

姜濤與Ronald & Friends以及一眾商台節目主持，包括小儀、少爺占、森美、葛民輝等，前日仲一齊帶領嘉賓和善長實踐「愛跑‧愛世界」嘅信念，落力為現場跑手打氣，身體力行支持「香港麥當勞叔叔之家」。

撰文: 黛安消息特靈八卦公關
欄名: 八卦名利場