張敬軒爸爸突然於家中暈低 有「意外收獲」解決困擾5年問題

張敬軒全新廣東作品《隱形遊樂場》昨日（20日）上架，晚上佢IG live宣傳新歌，最高人流時有一萬位粉絲收看。軒公喺臨結束直播時，講述最近發生咗一件好恐怖嘅事，就係爸爸有半隻腳踏入咗鬼門關，佢同時「因禍得福」，完成咗多年嘅心願。

同場加映：

邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

軒公昨晚打算結束直播時突然眼紅紅提及家事，透露爸爸早前於家突然昏迷，「本身冇諗住講，呢個夜深人靜嘅時候...人都係比較感性。」表示父母於倫敦確診COVID-19，上機回港前已康復。回港後，父母於香港多留個一星期便回廣州，而軒公亦打算趕完MV拍攝後回廣州探望，「有一日我打畀我阿媽問佢搞緊乜嘢，佢話啱啱煮完飯，然後佢問我做緊乜嘢，我話啱啱返咗屋企，佢問我有冇忙緊啲好緊要嘅嘢，我話冇。佢話『而家過咗先話畀你聽啦，你老竇昨日差啲冇咗嘞』。」

{{hket:inline-image name="03.png"}}{{/hket:inline-image}}

原來爸爸喺阿仔打電話返廣州前一日，Covid嘅後遺症令佢喺屋企突然間昏迷，軒公︰「嚇親我阿媽！好彩當晚爸爸後來醒番，又穩定番。」經過今次「不幸中之大幸」，終於解決咗佢近五年來一個最大嘅問題，「就係我阿爸阿媽終於肯搬嚟香港嘞！」其實早於十年前，軒公已經勸父母搬到香港一齊生活，不過張爸爸堅拒，「我爸爸由細到大都係『獨家村』，佢唔鍾意同任何唔係呢個屋企嘅人來往，雖然佢生住一副好外向嘅樣，但其實佢係一個好內向嘅人。所以我好多謝天父，咁多年佢哋身體都好好，爸爸除咗有一、兩次跌親其實都冇乜問題。」

軒公透露，開始安排父母於香港生活，「可以照顧到佢哋嘞！唔使做嘢時又可以返去食飯陪吓佢哋，有啲乜嘢都可以照顧得到，所以我好想同大家分享！我覺得對一個家庭嚟講，照顧到佢哋，喺人生呢個階段係好重要。」

撰文︰娛樂組