南豐紗廠PopWalk天晉滙 同推優惠迎消費券

收到消費券當然想去Shopping啦，黛安聽聞，即日起喺南豐紗廠以指定消費券電子平台消費滿$500，可獲$250電子購物餐飲現金券；另外，即日起至5月14日，憑指定邀請碼「2023MLSWC」登記成為NF Touch新會員，仲可換1,000 NF Points㖭。

另外，將軍澳PopWalk天晉滙即日起至5月31日亦舉行「精明消費月」，喺場內消費滿指定金額，可獲獎賞高達$2,100禮遇。例如即日單一消費滿$300，有機會獲賞$20購物電子券；即日消費滿$3,000（最多3張單據），則有機會獲賞總值$300電子券組合；如即日消費滿$7,000（最多5張單據），更有機會獲賞總值$840電子券組合。另會聯同商戶推出逾100個激筍折扣優惠，涵蓋大家生活所需，其中多款學校課程及練習更低至$1心動價發售，如拔萃音樂中心嘅新生芭蕾舞課堂、新生跆拳道課堂等，大家唔好錯過喇。