香港迪士尼全港最大型太陽能發電 年產逾330萬度電

嚟緊周末（22日）係「世界地球日」，全球都致力發展可再生能源，減少碳排放。一家大細成日去既香港香港迪士尼，原來發展咗全港最大嘅太陽能發電系統，覆蓋度假區47個地方，合共設置咗超過7,500塊太陽能發電板，預計總發電量達每年逾330萬度電，足以供應超過1,000戶3人家庭一年嘅用電量。

黛安聽公關姊妹講，呢個太陽能系統好「智能」，迪士尼團隊可透過手機應用程式實時監察每塊太陽能板運作效能，確保供電穩定。而今年下半年，迪士尼仲會喺後台演藝人員停車場，加蓋一個大型太陽能系統，將會係本港首個室外停車場太陽能系統，有超過400塊太陽能板，每年產生逾20萬度電，可為80個停車位提供遮蔭。

隨住電動車愈來愈普及，迪士尼亦喺度假區停車場安裝超過100個充電站，免費畀嚟樂園嘅電動車使用架，真係合乎晒環保效益。