曾志偉70歲不醉無歸生日派對 呼籲大家不要拍照免出醜

今日是無綫總經理曾志偉70歲正日生日，連日來都有不少朋友、TVB藝人為他慶祝生日。今晚，志偉在尖沙咀舉行生日派對，不少圈中人都有到場賀壽，包括老友林敏驄、歐陽震華、謝天華、陳小春、盧敏儀、阮兆祥、《中年好聲音》的羅啟豪、周吉佩、龍婷、李佳和吳大強等等。

同場加映：林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

{{hket:inline-image name="DSC00934.JPG"}}{{/hket:inline-image}}

{{hket:inline-image name="SAM_2185.JPG"}}{{/hket:inline-image}}

歐陽震華拿著一袋生日禮物，他笑言要不醉無歸，陳小春笑說：「入面有個盤口，估志偉9點半前會醉，但我覺得係10點之後。」謝天華則說：「我估志偉會破紀錄。」
志偉接受傳媒訪問時，他透露今晚會有200多位朋友到場，場內還有劉嘉玲、杜德偉、張衛健、梁漢文、呂良偉夫婦、溫拿、元彪、苗僑偉、陳豪夫婦、黃宗澤等等，十分熱鬧。踏入70歲，志偉的生日願望是，希望大家身體健康，「最緊要觀眾開開心心，我哋做多啲好節目畀大家，我自己都70歲，都要身體健康。」他還指今晚的生日派對，dress code以黑白色為主，志偉笑言想影一張黑白相，續說：「唔怕嘅，顏色最緊要係單純，大家開心一齊影張相，大家都著得好靚。」

曾志偉「奔七」譚詠麟送膽固醇蛋糕 「嫌」肥媽家燕姐獻吻：夾埋百幾歲【下一頁】

連日來，不少朋友都為志偉慶祝生日，志偉笑言吃了很多生日蛋糕，全部都是朋友的心意。提到家人，志偉指子女特別回來慶祝，「啱啱同佢哋去日本生日trip，有啲喺加拿大返嚟係好難得，跟住就走咗，今次香港呢個，佢哋特登喺台灣飛過嚟。」
談及在「寺同道合2023慈善素宴」中，志偉捐出寧波車所贈生日禮物「唐卡」拍賣，投標者一律要付款5萬元，最後籌得760萬善款，作為修建寺廟之用，而此「唐卡」被志偉女兒曾寶儀抽中。志偉說：「好開心，呢個齋宴我搞咗廿幾年，可能呢3年大家都冇，所以今年大家都好踴躍，大家結善緣。」

TVB賽馬日丨曾志偉賭馬最威水一次贏1600萬 正著手今年搞大灣區音樂頒獎禮【下一頁】

{{hket:inline-image name="DSC00956.JPG"}}{{/hket:inline-image}}

每逢出席派對，志偉經常飲到醉醺醺，「打橫」被抬走，志偉笑說：「醉咗好多日喇！前晚喺TVB嗰晚，一早斷咗片，好多人嚟過，同我講『噚晚好開心呀！」我話『噚晚你有嚟咩？』，我最大嘅問題就係自己斷咗片但冇人知。（知唔知家燕姐同肥媽錫你？）呢個仲好清晰，可能錫完嗰個冧咗。今晚主題係不醉無歸，希望大家盡興啦！因為入面有太多藝人，亦有好多朋友喺唔同地方嚟，所以我呼籲大家唔好影相，就算藝人朋友肯影，都唔好將相放上網，自己珍藏好喇，而我哋工作人員都會收起晒電話，唔想有照片流出去。」
問到《中年好聲音》參賽者有份出席，志偉說：「等佢哋感受吓藝人嘅私生活，生日係點樣過，佢哋大半隻腳都踏入呢個圈，所以畀佢哋感受吓！（係咪力捧呢幾個？)唔會捧呢班都已經紅咗，而家香港人都好鍾意佢哋，好多觀眾都好錫佢哋，好多商場、宴會都話要請佢哋，所以都恭喜佢哋！」

採訪：梁紹明

攝影：何家賢

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】