余德丞遊日拍片激嬲餐廳老闆？ 與YouTuber被數3宗罪：影衰香港人

前無綫藝人余德丞（Dickson）去年同娘家結束8年賓主關係，自由身去商台同Do姐（鄭裕玲）主持電台節目《口水多過浪花》，又化身KOL及YouTuber，去年同友好頻道「9bothew 膠保廢」拍片批評香港一間餐廳難食，遭店主入稟索償，日前佢哋一條片段再次惹是非。

同場加映：極度俏郎君丨保錡厚面皮向宣萱求包養被拒 ERROR搞笑有料姜皓文心郁想拍綜藝

{{hket:ul-video id="7965"}}{{/hket:ul-video}}

余德丞同「9bothew 膠保廢」日前一行四人到日本秋葉原一間餐廳用膳，佢哋店內介紹菜式期間，店主突然上前問佢哋入嚟係咪食嘢，抑或只是拍片，眾人都有啲愕然，回答表示會嗌嘢食。余德丞之後表示：「躁底喎佢好似。」之後佢哋想點菜時老闆行開，背景傳來有人疑似掟碗嘅聲音，眾人都認同店主頗為煩躁。

之後其中一位男主持「阿保」解釋，日本老闆通常都唔畀食客拍攝，所以可以理解點解老闆態度唔好，表示：「嚟日本拍嘢我已經預咗㗎啦，因為我以前嚟日本呢，我喺日本店影一張相都畀人X。」佢又指秋葉原住係遊客區，先會對鏡頭較「寬容」。另一位主持「阿廢」認為係日本職人文化，非常尊重同理解對方，但就表示「係我唔鍾意啫」，又不滿道：「其實電視機聲大過我哋講嘢聲啦，點解唔鬧部電視機呢？」

{{hket:inline-image name="338215789_1198750230770225_161615586849571699_n.jpg"}}{{/hket:inline-image}}

最終4人總共叫咗兩個魚生丼，用膳期間一行人細聲說話，而店主已經冇招呼他們，又憶述唔小心拍到店主，對方立即「厲」佢哋，頗為不滿，但又將鏡頭對準店主放大。食完後，余德丞認為店主「好慘」，午飯時間都得佢哋一枱客，又發現店主忽然熄冷氣，一度懷疑店主想趕客，最後發現係食物賣晒，店主提早關門。

唔少網民認為雖然店主服務態度係唔太好，但余德丞等人亦太失禮：「入嚟掛住講嘢唔食嘢， 四個人嗌兩碗飯，人哋不滿好正常」、「偷影人又點解釋？」、「店主係大反應，但睇番始作俑者，都好失禮香港旅客」。有網民指佢哋行開「衰格」路線，喺香港就覺得幾好笑，但去到人哋嘅地方, 就應該尊重番人哋文化：「其實日本唔太適合拍飲食片，佢哋本身都唔多鍾意畀人影。四個人點兩碗嘢坐咁耐，香港都會畀人X啦」、「日本真係好注重肖像權，你哋呢條片影到好多人冇bur真心唔得，佢地係影張相擺上推都要所有人頭打曬格，所以都建議你哋重新處理吓段片。」片段上載後，「9bothew 膠保廢」亦留言澄清係經店主許可才入內拍攝。

除咗喺餐廳被指唔尊重之外，余德丞佢哋去賞櫻時同樣被鬧失禮，余德丞偷影女途人，見情侶恩愛時佢哋又攝入鏡評頭品足，又形容途人肩膀上嘅頭皮係「落雪」，對話似足小學生。

事後余德丞在IG逐點解釋，又為帶來不便而致歉，但未有回應對途人指指點點的事。

{{hket:inline-image name="22E29B84-CC17-42C2-A19E-AB23DB68DB81.jpeg"}}{{/hket:inline-image}}

余德丞早前同佢哋都喺香港到農場餐廳拍食評片，並狠批食物質素。餐廳老闆入稟小額錢債審裁處，指控余德丞誹謗欺詐，索償1466元。審裁官今（3日）表示，雖然余德丞沒有徵求餐廳同意拍片，但余從未掩飾拍攝一事，明顯不涉欺詐言行，裁定本案瑣碎無聊，駁回申索。餐廳老闆在庭外表示不滿裁決，將申請覆核，又指余德丞拍片令餐廳營業額下跌一半，「帶來好大傷害」。

撰文：娛樂組