湯洛雯認年底正式榮升做馬太 笑馬國明率直如食誠實豆沙包

馬國明和女友湯洛雯（靚湯）拍拖兩年多，感情十分穩定，在今年1月1日，兩人分別在社交平台公開報喜，正式宣布訂婚；當時馬國明曾表示婚事交由未婚妻全權話事，只透露會偏向旅行結婚。

同場加映：中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

{{hket:inline-image name="cc9543c4-5830-4142-aa45-d494efb1c71f.JPG"}}{{/hket:inline-image}}

{{hket:inline-image name="248022943_184365083766733_5031846491118679970_n.jpg"}}{{/hket:inline-image}}

靚湯今日在大埔出席活動時，表示未必想公開婚期，加上不想大搞，所以會在外地舉行一個小型婚禮，「最頭痕係我完全都唔識，例如有朋友問揀咗姊妹未？揀咗裙未？蛋糕喺邊度訂？花呢？Wedding Planner點呀？我諗而家嘅進展係10％至15%，但好好，因為有唔同嘅sponsor搵我，所以好幫手，希望順利啦！」

馬國明元旦日報喜求婚成功 湯洛雯巨鑽戒套定情公仔：engaged【下一頁】

問到婚禮的設計會是甚麼季節的概念？靚湯說：「我諗住秋天，我哋兩個超怕熱，我驚行禮嘅時候，大汗疊細汗，火都嚟埋！（年底先結婚？）大約啦，總之係天氣冇咁熱嘅時候，（地點？）東南亞。」早前她與友人到日本東京旅行，問到是否順道看結婚場地？靚湯語窒：「其實我哋...唔講喇，我唔想好似佢（馬國明）咁，食咗誠實豆沙包，有時我哋啲情話，佢又攞出嚟講，我問佢係咪食咗誠實豆沙包？不過呢啲係佢優點。」

對於馬國明曾指如靚湯在IG出post，他要快快手留言，不然會惹她生氣，靚湯笑說：「我想講，有時我出咗post，佢好快（留言），我問佢唔係開緊工咩，可能佢幻想太多，因為佢之前成日喺我度留言，所以佢想keep up呢樣嘢，保持水準；不過有時佢留咗言我都唔知，但係都幾sweet嘅！」

隱形戰隊︳馬國明唐詩詠第五度飾演情侶 視帝陳展鵬客串奸角有驚喜【下一頁】

{{hket:inline-image name="334331341_1402451017234936_6580118079169942839_n.JPG"}}{{/hket:inline-image}}

講到馬國明在劇集《隱形戰隊》中有很多親熱鏡頭，問靚湯是否睇到想打爆電視機？她笑謂：「唔係呀，呢排好開心，好似好衰咁，我好耐冇追睇佢嘅電視劇，所以今次追（睇），佢好開心，佢好沾沾自喜，不過佢喺劇入面又真係幾型喎，呢套劇出咗街，反應好好，佢都好開心，所以我都好捧場，我身邊好多朋友都會message我，叫我同佢（馬國明）講『我好鍾意你老公呀！』（老公老婆相稱？）一句啫！」靚湯直言與馬國明之間，從來沒有約法三章，「學佢話齋，電視（尺度）都唔會咁誇張，佢嘅限度係唔好摸，錫就ok。」提到馬國明和唐詩詠的激吻戲，靚湯表示有看過預告，「我覺得好搞笑，因為諗到佢會好蝦碌，因為佢好驚拍呢類戲，好驚摸到個女仔唔應該摸到嘅地方，所以反而佢大壓力啲，佢而家拍緊劇，都應該有啲錫戲，都ok嘅！」

{{hket:inline-image name="337324030_1569829353493026_1029829144127306123_n.JPG"}}{{/hket:inline-image}}

採訪：梁紹明

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】