馬國明與湯洛雯感情升溫首發合照 二人遊日後女友有讚冇彈諗結婚

馬國明（馬明）與湯洛雯（靚湯）自從公布戀情後經常隔空放閃，早前後者喺IG稱事隔三年，終於能夠去日本旅遊，期間不斷上載當地靚相美照。雖然靚湯冇講自己同邊個去，好多人都估鏡頭後嘅男人係馬明。靚湯日前出席活動時承認二人遊，仲冧爆指感情有增進；而男朋友都第一次喺社交平台post合照回應女友。

同場加映：  忽然心動丨湯洛雯首次拍電影七日起貨嗌爽 栢天男演出租男友堅食蟲？

{{hket:ul-video id="6937"}}{{/hket:ul-video}}

靚湯日前出席由主演電影《忽然心動》首映時，大方承認同馬明一齊旅行，亦係佢同男友第一次以情侶身分出國，「旅行可以睇清楚對方真面目」。靚湯給予對方極高的評價，發現男友更好嘅一面，大讚︰「我自己係好鍾意計劃行程嘅人，佢就咩都冇所謂，都冇怨言，佢喺呢方面係配合得我好好。」

{{hket:inline-image name="WhatsAp.jpeg"}}{{/hket:inline-image}}

馬明負責充當「柴可夫」兼攝影師，靚湯相當「滿意」，不禁講咗句：「其實佢影咗100張相，有兩張OK。」唔少人睇到嘩嘩聲嘅溫泉照都係由馬明操刀，靚湯就話佢當時有圍毛巾，唔係大家諗到咁香艷！仲對男友讚不絕口，目前已計劃第二次旅行，追問到結婚問題，女方承認同男友已經有共識，當疫情冷卻時唔排除明年結婚！

首映時翌日，馬明出post自己到場撐女友嘅合照，留言「有電影睇」，「未來老婆」靚湯見到立即留言「依然心動」，唔少人like爆佢留言，仲話畀佢哋閃到盲，笑稱「仲以為你哋派帖」、「馬明第一次post合照」、「近年最襯嘅一對」。

撰文︰娛樂組