燈火闌珊｜張艾嘉笑周漢寧跑得慢唔靚仔 以霓虹燈退役故事望大眾珍惜擁有

電影《燈火闌珊》中，張艾嘉首次跟周漢寧合作，為了演活電影中霓虹燈的傳統技藝，兩人事前都要找師傅學師，相當考功夫。為了紀念今次的合作，周漢寧特別為張姐製作一個獨一無二的燈飾，有一個心形加上「S」字，代表張姐英文名Sylvia，非常有心。

同場加映：  中年好聲音｜ 顏志恒浴室歌王走上舞台越戰越勇 望成為兒子好榜樣：夢想無價

{{hket:ul-video id="7928"}}{{/hket:ul-video}}

張姐與周漢寧雖然第一次合作，不過訪問過程中，兩人非常投契，在訪問中互窒，相當有趣。周漢寧表示跟張姐合作，難免會緊張，但相處久了就覺得很舒服，張姐笑言：「你話開始有壓力其實只係頭五分鐘之嘛，對佢點睇，我估導演揀佢都諗咗好耐，又唔靚仔又冇做過戲，不過佢覺得呢個男仔幾特別，好用心同用功，亦有天份。」張姐坦言將來電影若有合適都會再跟周漢寧合作，她拍戲50多年來，跟新人合作的機會非常多，她會嚴格對待，「唔係學生作品，要同投資者同觀眾交代，好多新演員好靚仔但唔係好演員，但佢好可愛，絕對係一個好演員。我冇鬧過人，有我哋呢啲資深演員在場，多數都唔夠膽擺款，試過有大陸好出名演員扮大牌又遲到，反而香港同台灣比較少。」

{{hket:inline-image name="2.jpeg"}}{{/hket:inline-image}}

提到今次的合作，拍攝最難忘一幕竟是逃跑戲，周漢寧笑言：「有一場我同張姐要逃跑，有警察追，但當時我減緊肥，身體好虛弱，但張姐本身有跑步習慣，我當時跑唔過張姐，成個劇組同導演都笑到傻咗，張姐都係咁笑。」張姐透露跑步的習慣來自周潤發，起初不斷鼓勵她跑步，直至疫情期間工作稍緩才開始嘗試，「我運動好差，跑頭五分鐘已經想死，腳又重，喘氣到一塌糊塗，發仔好有心機陪住我，叫我慢慢嚟，唔好放棄。見發仔帶好多人跑步，盧海鵬第一次見嗰陣，真係行路都有困難，雖然佢唔係跑係快走，但如今已經同第一次完全唔同，跑步真係有幫助。」她認為跑步除了產生快樂元素外，還沿途欣賞到香港各處的美景，每天跑一小時已經很滿足。

戲中張姐飾演喪偶的女人，為了圓亡夫的夢學習製作霓虹燈，張姐憑電影獲得金馬獎「最佳女主角」時都難免慨嘆霓虹燈這類的香港特色漸漸失去，她說：「人生好多嘢都消失，甚至有一日我或者整個世界都會消失，應該好好珍惜而家所擁有。」她坦言1歲時爸爸離世，20多歲時好友自殺離開，這兩件事對她影響很大，對生命的熱愛，越老越珍惜。」

攝影：何家賢

撰文：楊安莉