iSQUARE國際廣場 「Shop & Dine GO！Rewards」消費滿$600送$250優惠券

下個月大家就會收到新一輪消費券，黛安收到風，即日起至5月11日期間，iSQUARE國際廣場會推出「Shop & Dine GO！Rewards」購物獎賞換領活動，顧客只要消費滿$600，即可換領$250商場優惠券，優惠券可以喺10大類別指定商戶使用，包括電子產品及影音器材、鐘錶及珠寶、美容及健康護理、時裝及飾品、兒童及嬰兒用品、娛樂及品味生活、百貨公司、輕嘗淺酌、尊尚食府及餐廳。

公關姊妹話，顧客喺iSQUARE場內最多兩間唔同商戶，以電子貨幣同日累積消費達$600或以上，及登記成為iCLUB會員並出示電子會員卡，即有機會換領呢套商場優惠券，優惠券除咗適用於超過70間指定商戶，是次消費亦可賺取iCLUB會員積分。每位會員每日只限換領優惠券1次；整個換領期內最多可換10次。星期一至四，每日名額限60個；星期五至日及公眾假期，每日名額限100個，先到先得，換完即止。