7CAFÉ聯乘人氣PABLO 推3款限定飲品「芝味」十足

「甜品控」有福了！7-Eleven繼早前推出自家品牌7-SELECT全新研發嘅6款期間限定「芝」新品後，今個月又再帶來驚喜。公關姊妹同黛安講，最近7CAFÉ首度聯乘日本超人氣芝士撻專門店PABLO，推出3款期間限定「芝」味飲品，包括海鹽芝士味鮮奶咖啡、海鹽芝士味鮮奶及7CAFÉ+或指定店舖限定嘅海鹽芝士蜜桃沙冰；3款飲品售價由$17至$25不等。

3款期間限定新品中，海鹽芝士味鮮奶咖啡更用上100%雨林聯盟認證Arabica咖啡豆沖製而成，配搭PABLO芝士撻嘅濃醇「芝」味及海鹽微鹹感，層次豐富；而海鹽芝士味鮮奶同樣呈現極尚「芝味」，無論係咪「芝士控」或咖啡迷都應該試下呢款新品。另外，海鹽芝士蜜桃沙冰就用上微鹹嘅海鹽芝士味配上香甜蜜桃果茸及鮮奶打成沙冰，口感綿密，必定一試難忘。

另外，7-Eleven x PABLO芝士水蜜桃新地會同步登場，今個星期三（29日）起發售，只售$10（可選脆筒/杯裝），逢星期五仲有買1送1優惠㖭！