《東張西望》追訪大角咀櫻桃大廈垃圾屋一事，延伸報道，由於入面囤積大量垃圾，多到幾乎封頂，引來不少老鼠和曱甴，街坊大受影響。趙姓的老翁不時會返垃圾屋，不過竟然選擇在隧道露宿而不回家？主持黎寬怡訪問趙伯伯，揭露身世，原來老翁擁有三層物業，加起來估值超過1,500萬，加上他曾是炒股高手，相信身家豐厚，到底點解要住隧道？
同場加映：
中年好聲音丨吳大強Chill住管教任四個仔發展 71歲追夢感幸福：畀大家睇到衝勁
東張西望丨80歲老婦遭親生仔疑用護老院禁足 屋企暗格近200萬財產不翼而飛【下一頁】
黎寬怡形容隧道環境相當惡劣，沿路都嗅出異味，而且越行越臭，附近有不少曱甴和蚊蠅。趙伯伯表示住了隧道大約一年多時間，問到為何不去變買家當？趙伯伯回應：「唔係攞嚟賣，係用嚟保護自己，我喺度已經畀人偷咗四部平價小米（手機），因為呢度有一班喺乞兒兜度拿飯食嘅人渣、畜生、禽獸、賤種，日日都摷嘢偷嘢，咁我咪整多啲垃圾畀佢哋摷囉！」
趙伯伯承認在附近擁有物業，而有家歸不得原因非常奇怪，「最衰把鎖壞咗冇整，度門閂唔到畀老鼠入咗去，凡係膠類、紙類都破壞晒，連電線都破壞晒咬到冇晒電，如果唔係間屋係好正常。」他透露沙田、何文田另有兩物業，同樣樓上漏水未能入住。三個物業加起來估值超過1,500萬港元，而且有街坊指他是炒股高手，有不少斬獲，趙伯伯稱聲：「以前好環境嗰時一年收股息都收50萬，而且係1蚊收入都冇，因為以前買股票個名係用媽媽個名，冇網上只可以打電話同親自去交易，媽媽死，（股票收入）個妹食晒啦！」至於退休金呢？他稱仗義借朋友300萬應急，沒想到一去沒回頭，也認為對方不是存心欺騙，沒有生恨。
東張西望丨女模特兒哭訴遭知名攝影師非禮 出手扯低上衣兼疑似全程偷拍【下一頁】
問到家人，他形容：「可以話有，可以話冇，我老婆同個仔，我認為佢兩個係對我唔住，我唔知點解個仔移民去美國讀書畢業做藥劑師，對我呢個老竇當作陌生人一個，冇任何音訊或通訊地址，唔識我呢個人。」他未有透露妻兒離開的原因，言語間表達令人心痛，「識我嘅朋友都替我唔值，自己好人一個，嫖、賭、飲、蕩、吹冇樣啱，我都話自己好蠢，為一個唔愛自己嘅人癲咗、傻咗幾十年，應該自己再組織過個家庭，生過細路仔，唔使自己而家咁痛苦。（佢哋知唔知你咩狀況？）我唔知佢哋知唔知，知又點？唔知又點？呢啲無良心嘅人。」
今晚一集，《東張西望》直擊食環署清理隧道雜物行動，趙伯伯被迫遷及嘗試返回大角咀的單位。不少觀眾非常同情趙伯伯的遭遇，表示︰「呢個伯伯有少少可憐！為情所困！佢如果自己吾肯放下所有執念，旁人好難幫佢」、「聽佢咁講，應該係受情所傷，自暴自棄，眼光好識炒股，可惜識錯人」、「因為啲壞女人搞到伯伯精神失常」、「愛錯人」等等；亦有人認為趙伯伯只能夠自救，亦有人擔心報道出街後，騙徒會打其主意，稱︰「有人肯幫伯伯，但佢自暴自棄，何苦呢」、「放心，好快脆，會有好多大媽主動去照顧伯伯，會話好想同伯伯入紙結婚」等等。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組