校園欺凌事件屢見不鮮，昨晚《東張西望》報道半山一所名校發生的男學生打鬥事件，受傷12歲學生姓林，他的爸爸因不滿校方的處理手法，竟然穿上白底紅字「校園暴力零容忍」的Tee，額頭戴上「血洗校園」字樣的頭巾，在學校門外舉起橫額抗議，橫額更開名「XXX暴力血案 校方嚴重失當」。《東張》全程直擊，他不斷喊叫口號，最終有警方上前關切情況。
同場加映：新四十二章丨 「揸流灘」主角捱過低潮惺惺相惜 吳子冲捉緊機遇追夢 史穎喬感恩前輩無私傳承
東張西望丨港男被擄到緬北KK園再多番轉賣 遭毆打至昏迷三日幾乎被販賣器官【下一頁】
林先生公開囝囝被同學毆打的閉路電視片段，見到囝囝在學校籃球場被手肘打至暈倒在地，對方沒停手不特止，還繼續用手肘攻擊他的頸椎位置。林先生透露囝囝因同學借錢不還，上前拿走對方的文件夾查看，但對方發爛搶回，更向囝囝施襲，他表示：「佢右手踭踭頭位啪一聲攻擊我個仔左顎位，被佢一嘢打埋嚟，我個仔完全冇防範，佢即時暈低，嘴唇即刻爆咗，同埋牙齒鬆咗，佢係摸住成攤血咁暈咗，瞓喺地下度。嗰個（施襲）小朋友見佢暈咗冇即時收手，下一步用同一手踭壓住我個仔條頸，撳佢落地下幾吓，然後佢隻腳一直加力。由佢開始打到被同學拉開，成個過程13秒。」
林生指施襲者過程中不斷講粗口，囝囝從沒還手，當時沒有負責老師在場調解事件，「呢件事上面校方點解處理不當或者有人為疏忽，就係因為老師唔在場，導致我個仔最後被人打嘛！」林先生受傷兒子因頸椎受傷要接受物理治療和服食止痛藥，口腔和牙齒的情況要牙醫做手術，而他亦要接受心理醫生的輔導。他表示擔心在學校再遇到施襲同學，怕再被對方毆打。
東張西望丨內地網紅直播主來港賣唱行乞？ 被跟蹤踢爆乞兒集團大本營即發惡【下一頁】
事件已報警處理，施襲學生被警方控以襲擊致造成實際身體傷害罪，須接受警司警戒，而校方將會扣施襲學生的操行分數和停課三日。林生認為校方懲處太輕，加上未有任何評估，擔心施襲學生有暴力傾向會繼續影響校園的安全。郭副校長以電話回應事件，並學校的確發生肢體碰撞事件，校方亦有嚴肅跟進，但林生認為此表達不滿和憤怒。
事件曝光後，網友們在「東張+」的YouTube議論紛紛，有人大讚爸爸勇敢為兒子伸張正義，亦令校方可以好好正視校園欺凌問題，但亦有人認為事件上警方和校方都已經處理，不明白爸爸的訴求何在。「個人認為，懲罰算係合理，不服來辯」、「咁唔滿意又講到咁錫個仔做乜唔轉校，寧願花時間同精力（仲要好用力）四處去見報。報咗警拉咗仲唔夠? 真係為個仔定為自己？」、「強烈要求校方踢個中二生出校！ To be honest , 個家長要幾有怒火先可以企喺學校門口抗議？」、「敢向權貴挑戰，欣賞這爸爸精神。可惜呢種精神呢個社會係唔容許嘅」、「而家啲借錢人士真係當咗自己惡霸㗎喎，自己有錢唔還仲郁手打人。睇完覺得個老竇好偉大，為個仔去到盡」、「好離譜呀！學校得個講，祝福同學仔早日康復，真係好大心理影響呀！」等等。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組