老友鬼鬼丨《男親女愛》演律師獲讚熟讀劇本 李國麟大爆Do姐點對付遲到藝人

不少藝人跟汪明荃（阿姐）、鄭裕玲（Do姐）合作，都必須要守時，事事做足準備才敢入錄影廠。鄧英敏在網上節目《老友鬼鬼》訪問好友李國麟時，指Do姐曾經講過，這行有兩個演員入廠是不用帶劇本，李國麟就是其中一個，李國麟招積笑說：「我有帶，但放喺喼度，有需要先睇，都要下苦功，劇本唔係我作㗎嘛，所以事前要準備。」

同場加映：中年好聲音丨吳大強Chill住管教任四個仔發展 71歲追夢感幸福：畀大家睇到衝勁

{{hket:ul-video id="7808"}}{{/hket:ul-video}}

{{hket:inline-image name="800_dfd09f8f7d2ae3a666131eba2a1b3ad0.jpg"}}{{/hket:inline-image}}

{{hket:inline-image name="22.jpg"}}{{/hket:inline-image}}

李國麟在《男親女愛》跟Do姐合作，兩人在劇中飾演律師，在法庭上你一言我一語，處處針鋒相對，看得觀眾十分過癮。李國麟指Do姐十分守時，「如果你唔守時，Do姐會板起塊面，直接同你交涉，『你點解遲到？』、『你可唔可以唔遲到？』，佢好認真。我哋公司有兩個阿姐，Do姐同阿姐，係要極度遵守佢哋嘅規則，喺演戲嘅區域要遵守演員道德，劇本要讀熟，演得好唔好，係由觀眾決定，導演收唔收貨......但你要做到演員道德。」

老友鬼鬼丨李國麟講解「窿哥」花名由來 初入《歡樂今宵》冇得NG驚到震【下一頁】

1975年正式做演員的李國麟，指拍劇經常要捱更抵夜，很容易捱出病來，他說：「當時黃日華，黃澄澄咁走入嚟化妝間，成隻黃鴨咁，就係佢個肝出咗事，秋官都係咁，後來簽約，喺合約度講明一定要有8個鐘瞓，但合約歸合約，實踐嗰陣就唔會，『幫幫忙吖，冇乜期喇，唔該吖，捱多陣啦！』變咗冇得瞓，唔係『藝訓班』，係『冇瞓班』呀。」

李國麟公開西貢複式豪宅內貌 揸Benz出入令網友驚訝：絕對是富豪【下一頁】

{{hket:inline-image name="26.jpg"}}{{/hket:inline-image}}

{{hket:inline-image name="27.jpg"}}{{/hket:inline-image}}

常常獲派演繹反派角色，李國麟坦言爸爸的確有點失望，「每次睇到我演出，佢就入房㗎喇，我心諗『你都唔係鼓勵我』，冇辦法啦，唔通佢見到個仔演『飛仔』好開心咩？我阿媽會好啲，佢會睇電視，係精神支持；到好後期，我阿媽話番畀我知『你唔喺度嗰陣佢（爸爸）咪睇你做戲囉！』要保持父親嘅尊嚴。」
演了兩、三年閒角，李國麟最怕聽到被人稱呼為「茄喱啡」，他說：「因為呢三個字係貶義，但冇法子，我係咁樣囉！有一日監製劉芳剛搵助手打畀我，佢話『我覺得你嘅演出，唔應該淨係做嗰啲角色。』佢就叫我喺《北斗星》演社工，我同劉松仁、吳正元做正派角色，我喺松哥身上學到好多嘢。」之後多接觸時裝劇、古裝劇、民初劇和喜劇，他認為要活到老學到老。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】